ජනාධිපති මන්දිරයෙහි දැනට එහි රැඳී සිටින විරොධතා කරුවන් පලවා හැරීම සඳහා පොලිස්පතිවරයාටත් නොදන්වා බස්නාහිර පළාත් ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් විසින් අද උදේ විශේෂ කාර්ය බලකායේ අණ දෙන නිලධාරීවරයා යොදවා සිදුකරන්නට උත්සාහ කළ මෙහෙයුමක් නිසා ඇතිවන්නට ගිය දැවැන්ත ව්යසනයක් පොලිස්පතිවරයා මැදිහත් වීමෙන් වැළැක් වී ඇති බව පොලිස් අභ්යන්තර ආරංචි මාර්ග පවසයි.
ඊයේ සවස් වරුවේ සිට සිය දුරකථනයට හෝ පිළිතුරු නොදී සිටි බස්නාහිර පළාත් භාර ජ්යෙෂ්ඨ නියෝජ්ය පොලිස්පතිවරයා අද උදෑසන විශේෂ කාර්ය බලකායේ ප්රධානියා සහිත විශේෂ ආරක්ෂක කණ්ඩායමක් සමග පැමිණ කොළඹ හත මල් පාරේ ගිනි තබා විනාශ කළ රනිල් වික්රමසිංහගේ නිවස නිරීක්ෂණය කර ඇත.
ඉන් අනතුරුව විශේෂ කාර්ය බලකායේ ප්රධානිය සමගම කළ සාකච්ඡාවකින් අනතුරුව පිරිස පිටත්ව ගොස් ඇති අතර දහවල් 11ට පමණ විශේෂ කාර්ය බලකායේ කණ්ඩායමක් යොදවා ජනාධිපති මන්දිරයේ සිටින පිරිස් පළවා හැරීමට එම බලකායේ ප්රධානියා උත්සාහ කර තිබේ.
මේ සම්බන්ධව පොලිස්පතිවරයා දැනුම්වත් වී ඇත්තේ එහි දී උද්ගත වූ විරෝධතාවයත් සමගය. පොලිස්පතිවරයා එම අවස්ථාවේ දීම විශේෂ කාර්ය බලකායේ ප්රධානියා අමතා මේ මෙවැනි මැදිහත්වීමක් කිරීමට උපදෙස් දුන්නේ කවරෙක්දැයි විමසා ඇත.
එවිට ඔහු පොලිස්පතිවරයාට පවසා ඇත්තේ බස්නාහිර පළාත් භාර ජ්යෙෂ්ඨ නියෝජ්ය පොලිස්තිවරයා මෙම මෙහෙයුමට තමන්ට උපදෙස් ලබා දුන් බවය.
ඒ අවස්ථාවේ දී මෙවැනි මැදිහත් වීමක් තමන් නොදැන සිදුවන්නේ කෙසේ දැයි විමසා ඇත. විශාල ගැටුමකට නොයා මේ වහාම භූමියෙන් ඉවත් වන ලෙස පොලිස්පතිවරයා විශේෂ කාර්ය බලකායේ අණ දෙන නිලධාරීවරයා වෙත දන්වා තිබේ.
පොලිස්පතිත් නොදැන බස්නාහිර පළාත් ජ්යෙෂ්ඨ නියෝජ්ය පොලිස්පතිවරයා දේශපාලනික අවශ්යතා මත සිදුකරන මේ මැදිහත්වීම් සම්බන්ධව පොලිසයේ බහුතරයක බරපතල අප්රසාදයට ලක්වී ඇතැයි පොලිසියේ අභ්යන්තර ආරංචි මාර්ග කියයි.
කෙසේ වෙතත් මේ වනවිට විශේෂ මෙහෙයුමකින් ජනාධිපති මන්දිරයේ සිටින විරෝධතාකරුවන් පලවා හැරීම සඳහා සූදානමක් පවතින බවට කියැවේ.
