ලලිත් චාමින්ද –
බූස්ස අධි ආරක්ෂිත බන්ධනාගාරයේ රැඳවියෙකු මිය යාම සිද්ධිය සම්බන්ධයෙන් මේ වන විට අධිකරණ හා ජාතික ඒකාබද්ධතා අමාත්ය හර්ෂණ නානායක්කාර ගේ උපදෙස් මත පුළුල් විමර්ශනයක් ආරම්භ කර ඇත.
පසුගිය 04 වනදා පෙරවරුවේ බූස්ස බන්ධනාගාරයේ රඳවා සිටි සැකකරුවෙකු ඇනුම් තුවාල සහිතව මිය යාමට අදාළව පොලිස් විමර්ශන සහ බන්ධනාගාරයේ අභ්යන්තර විමර්ශන සිදු කෙරෙමින් පවතියි.
එමෙන්ම මෙවැනි සිද්ධීන් ඉදිරියේදී සිදු නොවිමට අවශ්ය ප්රතිපාදන සකස් කිරීම සඳහා අධිකරණ අමාත්යාංශය සහ බන්ධනාගාර දෙපාර්තමේන්තුවේ ජ්යෙෂ්ඨ නිලධාරින්ගෙන් සැදුම්ලත් කමිටුවක් පත් කර තිබේ.
සියළුම විමර්ශන කඩිනමින් අවසන් කොට අදාළ කමිටුවට වාර්තා කරන ලෙස අධිකරණ හා ජාතික ඒකාබද්ධතා අමාත්ය හර්ෂණ නානායක්කාර දැනටමත් නිලධාරින්ට උපදෙස් ලබා දී තිබේ.
වාර්තාවන ආකාරයට මේ ගැටුමට පැටලී ඇත්තේ එකම බන්ධනාගාර මැදිරියක රඳවා සිටි රැඳවියන් දෙදෙනෙකි. යකඩ කූරකින් ඇනීම නිසා තුවාල ලද රැඳවියා කරාපිටිය ශික්ෂණ රෝහල වෙත රැගෙන යන විටත් මියගොස් සිට ඇත.
