සූරියවැව නුවන් ජයසේකර –
බුත්තල කතරගම මාර්ගයේ ත්රීරෝද රථයකින් ගමන් කරමින් සිටි විදෙස් ජාතිකක යුවළක් මාර්ගයේ සිටි වන අලියෙකුගේ ජායාරූප ගැනීමට ගිය අවස්තාවේ වන ප්රහාරයකට ලක්ව ඊයේ ( 10 ) දින සවස ප්රතිකාර සඳහා හම්බන්තොට මහ රෝහලට ඇතුළත් කර ඇත.
මෙම විදෙස් ජාතිකයන් දෙදෙනා ත්රී රෝදරථයකින් බුත්තල කතරගම මාර්ගයේ ගමන් කර ඇති අතර එම අවස්ථාවේදී මාර්ගයේ රැඳී සිටි වන අලියෙකු දැක දෙදෙනා එක්ව වන අලියාගේ ඡායාරූපයක් ගැනීමට ත්රී රෝද රථයෙන් බැස ඉදිරියට ගිය අවස්ථාවේ මෙම වන අලි ප්රහාරයට ලක්ව තිබේ.
වන අලි ප්රහාරයෙන් රුසියානු ජාතික කාන්තාවක් වන 45 හැවිරිදි අරියානා නැමැති අය තුවාල ලබා ඇති අතර ඇය සමග සිටි ඇයගේ සැමියා වන 48 හැවිරිදි ඩෙනෙස් මෙල්ශන් දිවගොස් වන අලියාගෙන් බේරී ඇත.
වන අලි ප්රහාරයට ලක් වූ විදෙස් කාන්තාවගේ දකුණු අතට බරපතල තුවාල සිදුව තිබූ අතර ඇය ප්රතිකාර සඳහා කතරගම ප්රාදේශීය රෝහලට ඇතුළත් කිරීමෙන් පසු වැඩිදුර ප්රතිකාර සඳහා හම්බන්තොට මහ රෝහලට ඇතුළත් කර තිබේ.
සිද්ධිය සම්බන්ධයෙන් කතරගම පොලිසිය විමර්ශන ආරම්භ කර ඇත.
