ශ්රියානි විජේසිංහ –
කොළඹ දිස්ත්රික්කයේ තෝරාගත් පාසල් කීපයක කරන ලද පරික්ෂා කිරීමකදී ප්රාථමික අංශයේ අධ්යාපනය ලබන දරුවන්ගෙන් සියයට 50ක පමණ පිරිසක් දිනපතා පාසල් නොයෙන බව තහවුරු විනැයි පවුල් සෞඛ්ය කාර්යාංශයේ පාසල් කටයුතු අංශයේ ප්රධානී ප්රජාවෛද්ය විශේෂඥ අයේෂා ලොකුබාලසූරිය සඳහන් කළාය.
මෙසේ දරුවන් පාසල් නොඒමට හේතුව කුමක්ද යන්න පිලිබඳව කරන ලද සොයා බැලීමේදී හෙළි වූයේ කුසට ආහාරයක් නොමැති වීම, දෙමාපියන් රැකියාව සඳහා යාම, ප්රවාහන ගාස්තු සොයා ගැනීමට නොහැකි වීම වැනි හේතු කාරණාවන් බව හදුනාගෙන ඇතැයි ඇය පැවසුවාය.
කොළඹ දිස්ත්රික්කය පුරා පමණක් නොව දිවයිනේ සියලුම පාසල් සම්බන්ධයෙන් මෙම පරික්ෂා කිරීම අධ්යාපන අමාත්යංශය මගින් සිදුකරමින් පවතින බවද විශේෂඥවරිය සඳහන් කළාය.
කෙසේ නමුත් ප්රාථමික අංශයේ දරුවන් පාසල් නොයෑම අනාගතයේදී රටක් ලෙස අපට විශාල ගැටුළු ගණනාවක් ඇති කරන තත්ත්වයක් වනු ඇතිබවද ඇය පෙන්වා දුන්නාය…
