චීනය රජයේ සුවිශේෂී අවස්ථාවක් වූ එරට කොමියුනිස්ට් පක්ෂයේ සම්මේලනයට දින කිහිපයකට පෙර එරට ජනාධිපති ෂී ජින්පිං සහ කොරෝනා වෛරසය පැතිරයාම සීමා කිරීම්වලට ගෙන ඇති දැඩි තීරණ වලට එරෙහිව ඉතා දුර්ලභ සහ සුවිශේෂී විරෝධතාවක් බීජිං නුවරදී පැවැත්විණි.
ඒ අනුව බීජිං නගරයේ වයඹ දෙසින් වූ පාලමක් මත විරෝධතා බැනර් දෙකක් පින්තූර ප්රදර්ශනය කර තිබූ අතර එහිදී විරෝධතාව බලධාරීන් විසින් කඩිනමින් නතර කර ඇති බවක් පෙනෙන්නට තිබුණු බව බීබීසී පුවත් සේවය සඳහන් කරයි.
අදාල බැනර් බෙයිජිං හි හයිඩියන් දිස්ත්රික්කයේ පාලමක් මත ප්රදර්ශනය කර තිබූ අයුරු එරට සමාජ මාධ්ය වල සංසරණය වන බවද වාර්තාවේ.
එම එක් බැනරයක, “කොවිඩ් පරීක්ෂණයක් එපා, අපට අවශ්යයි ආහාරයි. සීමාවන් පැනවීම නවතනු, අපට අවශ්ය නිදහසයි. බොරු නොමැතිව අපට අපේ අභිමානය අවශ්යයි. සංස්කෘතික විප්ලවයක් අනවශ්යයි, අපට ප්රතිසංස්කරණ අවශ්යයි, නායකයන් නොව අපට ඡන්ද අවශ්යයි. වහලුන් නොවී අපට පුරවැසියන් වීමට අවශ්යයි.” යනුනෙන් සටන් පාඨ රැසක් සඳහන්ව තිබූ බවද බීබීසී පුවත් සේවය සඳහන් කරයි.
මේ අතර අනෙක් බැනරයේ නිවැසියන්ගෙන් ඉල්ලා සිටියේ “පාසලේ, රැකියා ස්ථානයේ වැඩ වර්ජන කරන්න, ඒකාධිපති සහ ජාතික ද්රෝහී ෂී ජින්පින් ඉවත් කරන්න” යනුවෙනි.
මෙම තත්ත්වය කොමියුනිස්ට් පක්ෂයේ සම්මේලනය පෙර බීජිං අගනුවර තුළ ජනතාව අතර දැඩි කලකිරීමක් වර්ධනය වෙමින් පවතින බවට පෙන්නුම් කරන බවද එම පුවත් සේවය වාර්තා කරයි. මේ අතර විරෝධතාවයත් සමඟම බීජිං අගනුවර ඇතුළුව චීනය පුරා දැඩි ආරක්ෂක විධිවිධාන සහ කොරෝනා වෛරසය පැතිරයාම සීමා කිරීම් සම්බන්ධයෙන් චීන වැසියන් අතර අන්තර්ජාලය හරහා කෝපයක් ඇති වී තිබෙන බවද වාර්තාවේ.
එම තත්ත්වයත් සමඟම චීන බලධාරීන් බීජිං නගරයට ප්රවේශය වීමේ මාර්ග වල ආරක්ෂාව දැඩි කර ඇති අතරම බොහෝ සංචාරකයින් නගරයට ඇතුළු වීම වලක්වා ඇත.
