ලබන මස මුල සිට සියලු දුර ගමන් බස් රථ ගමන් ඇරඹීමට පෙර මූලික තත්ත්ව පරීක්ෂණයක් සිදුකිරීම අනිවාර්ය කිරීමට රජය සැළසුම් කර ඇතැයි වාර්තා වේ.
කොළඹ බැස්ටියන් මාවත සහ මාකුඹුර බහුවිධ ප්රවාහන මධ්යස්ථානය කේන්ද්ර කර ගනිමින් ජාතික ගමනාගමන කොමිසමේ අධික්ෂණය යටතේ මෙම වැඩපිළිවෙළේ මුල් අදියර ක්රියාත්මක කිරීමට සැලසුම් කර තිබේ.
කිලෝමීටර 100ට වැඩි දුරක් ගමන් ගන්නා බස් රථ ධාවනය ආරම්භයට පැය 48කට පෙර යෝග්යතා සහතිකයක් ලබාගැනීම සිදුකළ යුතු බවත්, දුර ගමන් විනෝද චාරිකා බස් රථද මෙම තත්ත්ව පරීක්ෂණය සිදු කිරීම අනිවාර්ය කෙරෙන බවත් රජය කියයි. අනතුරුව මෙම පටිපාටිය දිවයින පුරාම බලාත්මක කිරීමට සැලසුම් කර ඇත.
එම තත්ත්ව පරීක්ෂණයෙන් තොරව කිසිදු දුර ගමන් විශේෂචාරිකාවක් සඳහා අනුමැතිය හිමිනොවනු ඇති බව වාර්තා වෙයි.
මෝටර් රථ ප්රවාහන දෙපාර්තමේන්තුව මේ සඳහා අවශ්ය උපදේශයන් චක්රලේඛයක් මගින් නිකුත් කිරීමට සූදානම් වෙමින් ඇත.
මෙම ක්රියාවලිය දිවයින පුරා ව්යාප්ත කිරීමේදී රථවාහන අලුත් වැඩියාවන් සිදුකරනු ලබන ස්ථාන මෝටර් රථ ප්රවාහන දෙපාර්තමේන්තුව මගින් පරික්ෂා කර ඔවුන්ට අදාළ පරික්ෂාවන් සිදුකර යෝග්යතා සහතිකයක් නිකුත් කිරීමේ බලය ලබාදීමට කටයුතු කරනු ලබයි.
