ත්රිකුණාමලය – සමන් මල්ලවආරච්චි –
ත්රිකුණාමලය වෙරළ ආරක්ෂක කලාපයේ අනවසර කුටියක් ඉදිකර බුදුපිළිමයක් තැන්පත් කිරීමේ චෝදනාවට අදාළව රක්ෂිත බන්ධනාගාරගත කර සිටි පූජ්ය බලංගොඩ කස්සප හිමියන් ඇතුළු සැකකරුවන් දස දෙනාම (10) ඇප මත මුදා හැරීමට ත්රිකුණාමලය මහාධිකරණය අද (11) නියෝග කළේය.
මෙම ඇප ඉල්ලීම ඉකුත් සඳුදා මහාධිකරණය හමුවේ සලකා බැලූ අවස්ථාවේදී, නීතිපතිවරයා වෙනුවෙන් පෙනී සිටි රජයේ අධිනීතිඥවරිය ඊට විරෝධය දැක්වීම සඳහා ලබාගත් දින දෙකක කාලය අවසානයේ අද දින මෙම තීන්දුව ප්රකාශයට පත් විය.
ත්රිකුණාමලය කොටුව පාරේ පිහිටි ශ්රී සම්බුද්ධ ජයන්ති බෝධිරාජ විහාරස්ථානයේ විහාරාධිපති පූජ්ය ත්රිකුණාමලය කල්යාණවංශ තිස්ස හිමියන්, පූජ්ය බලංගොඩ කස්සප හිමියන්, පූජ්ය ත්රිකුණාමලය සුඛිතවංශ තිස්ස හිමියන් සහ පූජ්ය නන්ද හිමියන් මෙතෙක් බන්ධනාගාරගතව සිටි හිමිවරු සිවු දෙනා වූහ.
රජයේ අධිනීතිඥවරියගේ මූලික විරෝධතා සලකා බැලීමෙන් අනතුරුව, මහාධිකරණය විසින් මෙම ඇප නියෝගය ලබා දෙන ලදී.
නගරයේ වෙරළ ආරක්ෂක කලාපය තුළ අනවසර ඉදිකිරීමක් සිදුකිරීම සම්බන්ධයෙන් මොවුන් අත්අඩංගුවට ගෙන තිබුණි.
