වැලිකඩ බන්ධනාගාරයේ වසර 16 ක බරපතල වැඩ සහිත සිර දඬුවම් විඳින උතුරු මැද පළාත් හිටපු මහ ඇමති එස්. එම්. රංජිත් එම බන්ධනාගාරයේ මුද්රණ අංශයේ සේවයට යොදවා ඇති බව බන්ධනාගාර මාධ්ය ප්රකාශක බන්ධනාගාර කොමසාරිස් ගාමිණී බී. දිසානායක පවසයි.
එස්.එම්. රංජිත් සිරගත කළ චෝදනාවටම සිර දඬුවම් ලැබූ ඔහුගේ ඥාතිවරිය වැලිකඩ බන්ධනාගාරයේම කාන්තා අංශයේ රඳවා සිටින බවත් ඇය මේ දක්වා කිසිදු වැඩකට යොමු කර නොමැති බවත් බන්ධනාගාර මාධ්ය ප්රකාශකවරයා වැඩිදුරටත් සඳහන් කළේය.
වැලිකඩ බන්ධනාගාරයේ මුද්රණ අංශයේ සිර දඬුවම් විඳින විදේශිකයන් වැඩි පිරිසක් සේවය කරන බවත් පොත් බැඳීම, ලිපිගොනුු සෑදීම ආදී වැඩ රැසක් කිරීමට සිදුවන බවත් වාර්තා වේ. එස්. එම්. රංජිත්ට මහාධිකරණයෙන් දුන් සිරදඬුවම සම්බන්ධයෙන් අභියාචනයක් ඉදිරිපත් කළ පසු ඔහුව මුද්රණ අංශයේ රාජකාරවලින් ඉවත් කිරීමට නියමිතය. – ( යොහාන් බාසුර – ලංකාදීප )
