ජනපති සමාව අවභාවිතා කර අනීතිකව සිරකරුවන් නිදහස් කිරීමේ සිද්ධිය සම්බන්ධව බන්ධනාගාර කොමසාරිස් ජෙනරාල් තුෂාර උපුල්දෙණියගෙන් අපරාධ පරීක්ෂණ දෙපාර්තමේන්තුව ඊයේ (09) පැය 10ක් ප්රකාශ ලබා ගෙන තිබේ.
ජනාධිපති සමාව නොලැබු සිරකරුවෙක් අනුරාධපුර බන්ධාගාරයෙන් නිදහස් කිරීම සම්බන්ධව අපරාධ පරීක්ෂණ දෙපාර්තමේන්තුවට ජනාධිපති ලේකම් කාර්යාලය විසින් සිදුකළ පැමිණිල්ලකට ආදාලව තුෂාර උපුල් දෙණිය පෙරේදා හවස ද අපරාධ පරීක්ෂණ දෙපාර්තමේන්තුවට කැඳවා පැය 05ක කාලයක් ප්රකාශ ලබාගෙන තිබිණි.
ඊයේ උදෑසන යළි දෙවැනි වරට කැඳවූ බන්ධනාගාර කොමසාරිස් ජෙනරාල්වරයා පැය 10ක් පුරා ප්රශ්න කිරීමකට භාජනය විය.
අදාල සිද්ධිය සම්බන්ධව ඊයේ අපරාධ පරීක්ෂණ දෙපාර්තමේන්තුව විසින් අත් අඩංගුවට ගත් අනුරාධපුර බන්ධනාගාර අධිකාරීවරයා අද අනුරාධපුර අධිකරණයට ඉදිරිපත් කිරීමට නියමිතව තිබේ.
