මනම්පිටිය නිමල් ජයරත්න –
-
සී සෑමෙන් පසු අක්කර දෙක හමාරකට රුපියල් 25000ක සහනාධාරයක්… සහනාධාරය ලැබෙන්නේ මඩ පොහොර යොදා සී සෑමෙන් පසුයි…
මෙවර යල කන්නයේ වී වගා කටයුතු ආරම්භ කළද මෙතෙක් රජයෙන් ලබාදෙන මඩ පොහොර සහනාධාරය ලැබි නැතැයි පොළොන්නරුව මහවැලි බි කලාපයේ ගොවීහු පවසති. ඔවුන් පෙන්වා දෙන්නේ මේ තත්ත්වය තුළ තමන් බරපතල ව්යසනයකට මුහුණ දී සිටින බවය.
මහවැලි බී කලාපයේ යල කන්නයේ වී වගා කටයුතු සඳහා මාදුරුඔය ජලය ඉකුත් මාර්තුවේ දී ලබා දී තිබිණි. ඒ මොහොතේ සිට ගොවීන් වී වගා කටයුතුවලට සූදානම් වුවද වැපිරීමට මඩට යොදන මඩ පොහොර මෙතෙක් ලැබී නැත. මේ තත්ත්වය තුළ අසරණ වී සිටින ගොවි පවුල් ප්රමාණය විසි දෙදහසකට වැඩිය.
අප මේ පිළිබඳව මහවැලි බි කලාපයේ ව්යාපාර කමිටුවේ උපලේකම් හේරත් අඹන්පොළගෙන් දුරකථනයෙන් කළ විමසීමකදී පැවසුවේ මහවැලි බී කලාපයේ මෙවර යල කන්නයේ හෙක්ටයාර් 25,000 ක් භූමි ප්රමාණයක වී වගා කරන බවත්, ඉන් හෙක්ටයාර 15,000 ක පමණ වී වගා කර අවසන් බවත්ය.
මෙතෙක් කිසිදු ගොවියකුට මඩ පොහොර සහනාධාරය ලැබී නොමැති බවත්, සාමාන්ය වෙළෙඳපොලේ මඩ පොහොර මිටියක් රුපියල් එකොලොස්දාහක පමණ මිලක් පවතින නිසා මඩ පොහොර මිටි දෙකහමාරක් ලබාගැනීමට රජය මඟින් ලබාදෙන පොහොර සහනාධාර මුදල ප්රමාණවත් නොවන බවත් හේරත් අඹන්පොළ සඳහන් කළේය.
රජය මඟින් ලබාදෙන පොහොර සනාධාරය මෙතෙක් නොලැබීම ප්රබල ගැටලුවක් වී ඇති බවත්, දින ගණනාවක් ගිය පසු මඩ පොහොර සහනාධාරය ලැබීම පලක් නොවන බවත් හේරත් අඹන්පොළ පෙන්වා දුන්නේය.
මහවැලි බී කලාපයේ සේනපුර කොට්ඨාශයේ ගොවි සංවිධාන සභාපති කපිල සිරිල් පතිරණ පැවසුවේ මේ වන විට මහවැලි බී කලාපයේ යළ කන්නයේ කුඹුරු වගා කිරීම් කටයුතු ආරම්භ කර දින දහයක් පමණ ගතව ඇතත් මඩ පොහොර සහනාධාරය නොලැබීම නිසා අසරණ වී සිටින ගොවීන් ගැනය.
අප මේ පිළිබඳව පොළොන්නරුව ගොවිජන සේවා සහකාර කොමසාරිස් අරුණ නිරෝෂන්ගෙන් දුරකථනයෙන් කළ විමසීමකදී ඔහු පැවසුවේ, පොහොර සහනාධාරය සඳහා ගොවියාගේ නම ඇතුළත් කරන්නේ සීසෑම ආරම්භ කිරීමෙන් පසු බවය.
මෙවර පොහොර සනාධාරය නොව, ලබාදෙන්නේ වගා සහනාධාරයක් බවත්,අක්කර දෙකහමාරක භූමී ප්රමාණයකට රුපියල් 25,000 ක මුදලක් රජය මගින් ලබාදීමට අවශ්ය තොරතුරු ලබාගනිමින් පවතින බවත් ඔහු කීවේය..
