පනාමුරේ පොලිස් නිලධාරීන් කණ්ඩායමක් අත්අඩංගුවටගෙන සිටිය දී සිර කුටියේ දී මිය ගිය පනාමුරේ පදිංචි ඉන්දික ජයරත්න නැමැති පුද්ගලයා සම්බන්ධයෙන් පොලිස් මූලස්ථානය විශේෂ නිවේදනයක් නිකුත් කර තිබේ.
මෙම නිවේදනය නිකුත් වන්නේ පොලිසිය භාර මහජන ආරක්ෂාව පිළිබඳ ඇමති විශ්රාමික රියර් අද්මිරාල් සරත් වීරසේකරට එරෙහිව අද සමගි ජන බලවේගයේ මන්ත්රීවරුන් විසින් ඉතාම දැඩි විරෝධතාවයක් මතු කිරීමත් සමගිනි.
සැකකරු බීමත්ව පැමිණ බිරියට පහරදීම පිළිබඳ පැමිණිලි 07ක් බිරිය විසින් සිදු කර ඇති බවත්, වර්ෂ 2017 දී සිදුකළ පැමිණිල්ලක් සමතයකට පත් කර යවා ඇති බවත්, අනෙක් පැමිණිල්ල ඉල්ලා අස්කරගෙන ඇති බවත් එම නිවේදනයේ දැක්වේ.
දියණියන් තිදෙනෙකුගේ පියෙක් වූ මේ තැනැත්තා සිය 14 හැවිරිදි දියණියට පහර දීම සම්බන්ධව පසුගිය 12 දා ඇය කළ පැමිණිල්ලක් ප්රකාරව මෙ පුද්ගලයා ඊයේ රාත්රියේ අත්අඩංගුවට ගෙන ඇත.
සැකකරු මත්පැන් පානයට ඇබ්බැහි වූවෙක් බව සඳහන් කරමින් පොලිස් මූලස්ථානය නිකුත් කළ නිවේදනය මෙසේය.
