ලක්ෂ සංඛ්යාත ජනතාවක් විසින් සෑම මොහොතකම මහ මගට අතහරින අපද්රව්ය එකතු කර නගරය පිරිස්දු කිරීම සඳහා මහනුවර නගර සභාවෙන් යෙදවිය හැකි උූපරිම සේවකයින් ගණන 142ක් බවත් මේ සේවකයින් පැය 24 තුළ සිදුකරන අඛණ්ඩ සේවය හේතුවෙන් බරපතල ලෙස විඩාපත් වී සිටින බවත් මහනුවර මහ නගර සභාවේ ජල අපජල සහ ඝන අපද්රව්ය කළමනාකරණය පිළිබඳ ප්රධාන ඉංජිනේරු නාමල් දිසානායක ලංකාසරට පැවසුවේය.
දැනට කසල එකතු කිරීම සඳහා කම්කරුවන් 120ක්, ඔවුන් අධීක්ෂණය කිරීම සඳහා තවත් 20ක් සහ ලොරි රියදුරන් 20ක් සේවයේ යොදවා සිටින බව ද මේ පිරිසට විවේකයක් ලබා ගැනීමට හෝ නොහැකි තත්ත්වයක් නිර්මාණය වී ඇති බව ද ඔහු පෙන්වා දෙයි.
මේ වනවිට තත්ත්වය පාලනය කරගත නොහැකි වීම තුළ ග්රාමීය මට්ටමේ සංවිධානය වී සිටින පරිසර කමිටු පිරිසුදු කිරීමේ ක්රියාවලියට යෙදවා ගැනීම සඳහා කටයුතු කරගෙන යන බව ද ප්රධාන ඉංජිනේරුවරයා පැවසුවේය.
ප්රධාන ඉංජිනේරුවරයා පෙන්වා දෙන්නේ සිරි දළදා වන්දනාවේ බරපතලම වෙහෙසකර රාජකාරියේ දිවා රෑ නොමැතිව සිදුකරන්නේ මේ කම්කරු පිරිස බවය. නුවරින් පිට සිට පැමිණ මහනුවර නගරයේ අත්හරින කසල ටොන් ගණනක් දිනපතා වර්ගීකරණය කර බැහැර කිරීමේ මෙම කටයුත්ත සාමාන්ය මනුෂ්යයෙකුට සිතා ගත නොහැකි බවත් මේ පිරිස නොමැති නම් සිරි දළදා වන්දනාව සම්බන්ධ සංකල්පයත් ව්යසනයට ලක්වන ආකාරයත් ඔහු අවධාරණය කරයි.
