-
පැන්නූ ලංවිම සාමාන්යාධිකාරීටත් විශ්රාම ගිය සාමාන්යාධිකාරීටත් ලක්ෂ 06 බැගින් මාසික දීමනාවලට උපදේශක තනතුරු දීලා
වර්තමාන බලශක්ති අර්බුදය ඇතිකල හිටපු සාමාන්යාධිකාරී එම්.ආර්. රණතුංග සහ ඇමෙරිකානු නීතිවිරෝධී ලෙස ලංවිම සාමාන්යාධිකාරී තනතුරට පත්කිරීමෙන් අනතුරුව ඇති වුණු විරෝධතා නිසා තනතුරින් ඉවත් කෙරුණ ආචාර්ය සුසන්ත පෙරේරා යන දෙපළ ඔවුන් අවසානයේ සිටි වැටුප් දීමනා, වාහන, කාර්යාල පහසුකම්, සේවක මණ්ඩල සහ සියලු වරප්රසාද සහිතව අයෙකුට මසකට ලක්ෂ 6කට වැඩි පිරිවැයක් දරමින් උපදේශක තනතුරු ලබා දී යළි විදුලි බල මණ්ඩලයට අනුයුක්ත කර ඇතැයි වාර්තා වේ.
ආචාර්ය සුසන්ත පෙරේරා යනු යුගදනවි බලාගාරය හා සම්බන්ධ නිව් ෆොට්රස් ගිවිසුමේ සාක්ෂියට අස්සන් කළ තැනැත්තාය. නීති විරෝධී ලෙස ලංවිම සාමාන්යාධිකාරී තනතුරට ඔහු පත් කිරීම සම්බන්ධව නැගුණු විරෝධයේ ප්රධානම සාධකය වූයේත් ඔහු නිව් ෆෝට්රස් ගිවිසුමේ සාක්ෂිකරුවෙක් ලෙස අත්සන් කර තිබීමය.
මෙම පුදගලයින් දෙදෙනාට පත්වීම් ලබාදීම සඳහා මූලිකත්වය ගෙන කටයුතු කර ඇත්තේ ලංවිම වර්තමාන සභාපති එම්.එම්.සී ප්රදිනාන්දු බවත්, ඔහුගේ ඉල්ලා අස්වීම යම් සැලැස්මක් අනුව කළ සම්පූර්ණයෙන්ම ව්යාජ රඟපෑමක් බවත් ලංවිම අභ්යන්තර ආරංචි මාර්ග හෙළි කරයි.
වාර්තාවන පරිදි සිද්ධිය මෙසේය.
සභාපතිවරයා පසුගිය 26 වැනිදා සිය ඉල්ලා අස්වීම ප්රකාශයට පත් කරනු ලැබුවේය. අනතුරුව ජනවාරි 31 සඳුදා කියැවෙන්නේ විදුලිබල ඇමති ගාමිණී ලොකුගේ මෙම ඉල්ලා අස්වීම පිළි නොගත් බවය.
ඉල්ලා අස්වීම පිළිනොගත් බව පවසමින් ඊට දින දෙකකට පසු එම්.එම්.සී ප්රදිනාන්දු යලි සභාපති පුටුවේ වාඩි වුනේය. ඔහු සිය තනතුරේ වැඩ යළි ආරම්භ කළ විට සිදුකළ මුල්ම කටයුත්ත වූයේ ඔහුට හිතවත්ව සිටි විශ්රාමික සාමාන්යාධිකාරී එම්.ආර්. රණතුංග සහ නිව් ෆොට්රස් ගිවිසුමේ සාක්ෂි කරුවෙක් ලෙස අත්සන් කර සිටියදී විදුලිබල මණ්ඩලයේ සාමාන්යාධිකාරීවරයා ලෙස පත් කර විරෝධතා නිසා ඉවත් කිරීමට සිදුවූ ආචාර්ය සුසන්ත පෙරේරා උපදේශකයන් ලෙස යළි විදුලිබල මණ්ඩලයට බඳවා ගැනීමය.
සභාපතිවරයා ලෙස අධ්යක්ෂ මණ්ඩලයට ඉදිරිපත් කළ යෝජනාවකට අනුමැතිය ලබාගෙන මෙම පුද්ගලයින් දෙදෙනා විදුලි බල මණ්ඩලයේ උපදේශක තනතුරු සඳහා බඳවා ගන්නේ ඔවුන් දරනු ලැබූ ලංවිම සාමාන්යාධිකාරී තනතුරේ අවසානයට ලද වැටුප්, දීමනා, නිල වාහන, කාර්ය මණ්ඩල සහිත සියලු වරප්රසාද සහ පහසුකම් සහිතව බව වාර්තා වේ.
මේ දක්වා රටේ බලශක්ති අර්බුදය විසඳීමට කිසිදු සාධනීය මැදිහත්වීමක් සිදුකර අර්බුදය උග්රවීමට දක්වා ගමන් කිරීමට ඉඩ දී සිටින සභාපතිවරයා ඇතුළු මේ කණ්ඩායම සැලසුම් සහගත කුමන්ත්රණකාරී ගමනක යෙදෙන බව ලංවිම වෘත්තිය සමිති පවසයි.
