මන්ත්රීවරුන්ගේ වත්කම් සහ බැරකම් ප්රකාශ ගෙන්වා ගැනීමට පාර්ලිමේන්තු ප්රධානින්ට දැඩි පරිශ්රමයක් දැරීමට සිදුවී ඇතැයි වාර්තා වේ.
මේ වනවිට ඒ සඳහා සිහි කැඳවීම් ලිපි පහක් යවා ඇතැයි ද පාර්ලිමේන්තු ආරංචි මාර්ග සඳහන් කරයි.
මෙම සිහි කැඳවීම් ලිපිවලින් අනතුරුව මන්ත්රීවරුන් 169ක් වත්කම් බැරකම් ප්රකාශ ඉදිරිපත් කර තිබේ.
මේ වනවිට ගජේන්ද්රකුමාර් පොන්නම්බලම් තවමත් සිය වත්කම් සහ බැරකම් ප්රකාශ ඉදිරිපත් කර නැති බව පාර්ලිමේන්තු ආරංචි මාර්ග කියයි.
කෙසේ වෙතත් ඔහු අසනීපව සිටින හෙයින් වත්කම් බැරකම් ප්රකාශ පසුව ඉදිරිපත් කිරීමට කටයුතු කරන බව ඔහුගේ ලේකම්වරයෙක් පාර්ලිමේන්තු ප්රධානීන්ට දැනුම් දී ඇත.
මැති ඇමතිවරුන්ගේ වත්කම් සහ බැරකම් ප්රකාශ මේ වනවිට අල්ලස් හෝ දූෂණ කොමිෂන් සභාව වෙත භාර දී ඇතැයි පාර්ලිමේන්තු ආරංචි මාර්ග කියයි. සුජිත් හේවාජූලිගේ – ලංකාදීප
