පාකිස්තානයේ පන්ජාබ් ප්රාන්තය තුල සිදුවන ළමා අපයෝජන සංඛ්යාව පසුගිය කාලය පුරාවට සීඝ්රයෙන් වර්ධණය සිදුව ඇති බවත් එහිදී පිරිමි ළමුන් හට සිදුවන අපයෝජනය සංඛ්යාව සාපෙක්ෂව ඉහළ අගයක් ගෙන ඇති බවද එරට ස්වදේශ දෙපාර්තමේන්තුව විසින් නිකුත් කළ නවතම වර්තාවෙන් අනාවරණය වී ඇත.
අදාල වාර්තාවන අනුව ඉතා බරපතල අනාවරණයක් සිදුකර ඇති අතර එ් අනුව අධිකරණයේ නඩු විභාගයට මුහුණ දෙන මුළු අපරාධකරුවන්ගෙන් සියයට 55ක් වින්දිතයන්ගේ අසල්වැසියන් බවත්, සියයට 32ක් නාඳුනන අය බවත්, සියයට 13ක් ඥාතීන් බවත් හෙළිවී තිබේ.
දෙපාර්තමේන්තුව විසින් ක්ෂේත්ර කාර්ය මණ්ඩලය යොදා ගනිමින් පන්ජාබ් හි ළමා අපචාර පිළිබඳ කලාපීය වශයෙන් දත්ත රැස් කළ අතර, පළාතේ අනෙකුත් කොට්ඨාසවලට වඩා ළමයින්ට එරෙහිව අඩුම අපරාධ වාර්තා වී ඇත්තේ රාවල්පින්ඩි කලාපය සහ ලාහෝර් නගරය බවද අදාල වාර්තාව මගින් පෙන්වා දී ඇත.
ස්වදේශ කටයුතු දේපාර්තමේන්තු වාර්තාවට අනුව, මෙම වසරේ මුල් මාස පහහමාර තුළ, පන්ජාබ් හි ළමා අපයෝජන සිද්ධීන් 1,390 ක් වාර්තා වී ඇති අතර ඉන් වින්දිතයින් 959 එනම් සියයට 69ක් පිරිමි ළමයින් සහ 431 එනම් සියයට 31 ගැහැණු ළමයින් වේ.
ඒ අනුව ළමා අපචාර අපරාධ පාලනය කිරීම සඳහා ස්වදේශ කටයුතු දෙපාර්තමේන්තුව විසින් නිර්දේශ ද ලබා දී ඇති අතර ඒවා අනුකූළව උපදෙස් අනුගමනය කිරීම සඳහා වාර්තාව ලාහෝර් අගනුවර පොලිස් නිලධාරින් සහ ප්රාදේශීය පොලිස් නිලධාරීන් වෙත යොමු කර ඇති බවද දේපාර්තමේන්තුව වැඩිදුරටත් සඳහන් කරයි.
