පාකිස්තානයේ ගතවූ මාස දොළහත් දහඅටත් දක්වා කාලය තුළ පකිස්තානයේ ඩිජිටල් තාක්ෂණය ඔස්සේ අධික පොලියට ණය ලබාදෙන්නන්ගේ වැඩිවීමක් සිදුවී ඇති බවට නවතම දත්ත වාර්තා වලින් අනාවරණය වේ.
ඒ අනුව මෙම පිරිස් මෙතෙක් භාවිතා වූ සාම්ප්රදායික ක්රමවේදයන්ට ඔබ්බෙන් යමින් නවීන ඩිජිටල් තාක්ෂණය යොදා ගනිමින් සිටින බවටද වාර්තාවේ. එහිදී ඔවුන් අද වන විට පෙරට වඩා වැඩි ව්යාපත්තියක් ඔස්සේ ණය ලබාදීම සිදුකරන අතර එහිදී අධික පොලියක් අය කිරීමටද මෙම ණය දෙන්නන් පෙළඹ තිබේ.
මෙම අධික ණය පොලිය හේතුවෙන් ඇතැම් පුද්ගලයින් දැඩි අසරණ භාවයට පත්ව ඇති බවත් ඉන් ඇතැමෙක්ගේ පවුල් ජීවිත පවා අඩාල වීමට මෙම පොලී අය කිරීම් හේතුවී ඇති බවද පාකිස්තාන මාධ්ය වාර්තා සඳහන් කරයි.
අදාල ණය මුදල් ලබා දෙන්නන් විසින් සමාජයේ වඩාත්ම අවදානමට ලක්ව ඇති පිරිස් ඉලක්ක කර ගනිමින් සමාජ මාධ්ය සහ වෙනත් වෙබ් අඩවි යොදා ගනිමින් ණය ලබා ගැනීමට පෙළඹවීමක් කිරීමට කටයුතු කරයි. එහිදී එම පිරිස් විසින් අසත්ය කොන්දේසී සහ නොමඟ යවන ණය කොන්දේසී සහ පොලී අනුපාත පෙන්නුම් කිරීමට කටයුතු කරන බවට ද වාර්තාවේ.
මෙම තත්ත්වය අදවන පාලනය කිරීමට අපහසු තත්ත්වයක් දක්වා වාර්ධනය වී ඇති බවත් එම කටයුතු නියාමනය කිරීමටද යම් ආකාරයකින් අපහසු වී ඇති බවද පාකිස්තාන මාධ්ය වාර්තා පෙන්වා දෙයි. එහිදී මෙම කටයුතු පාලනය කරන පාකිස්තාන නියාමන අයාතනය සහ බලධාරීන්ද සිය වගකීම් වලින් පැනයාමක් පෙන්නුම් කරන බවත් එමගින් තත්ත්වය ඉදිරියේදී වර්ධනය වීමට බොහෝ ඉඩ ඇති බවටද විශ්ලේෂකයින් පෙන්වා දෙයි.
