ශ්රියානි විජේසිංහ
ලබන වසර දක්වාම ප්රමාණවත් තොග වෛද්ය සැපයුම් අංශයේ පවතිද්දී රුපියල් මිලියන 50ක් වියදම් කර පරිතාන ඩයලයිසිස් කැප් මිලියන 1.2ක් ඇනවුම් කිරිමේ ගනුදෙණුව සම්බන්ධයෙන් වහාම පරික්ෂණයක් පවත්වන්නැයි වෛද්ය හා සිවිල් අයිතිවාසිකම් පිලිබද වෛද්යවරුන්ගේ වෘත්තීය සමිති සන්ධානය ජනාධිපතිවරයාගෙන් විශේෂ ඉල්ලීමක් කරයි.
නිසි ලියාපදිංචිය සහ ගුණාත්මකභාවය පරික්ෂා නොකර මෙසේ ගෙන්වන ලද උපකරණ හේතුවෙන් දැනටමත් මිනිස් ජීවිත 10ට ආසන්න ප්රමාණයක් අහිමිව ගොස් ඇති බැවින් මෙය බරපතළ අපරාධයක් ලෙස සලකා වහාම විමර්ශනයක් ආරම්භ කරන්නැයි සන්ධානයේ සභාපති වෛද්ය චමල් සංජීව මහතා ජනාධිපතිවරයාට දැනුම් දී සිටියි.
අලුතින් ගෙනවන ලද වකුගඩු කාන්දු පෙරණ කැතීටර් තුළ විසබීජයක් අඩංගු බවට වන සැකය මත මෙම උපකරණ භාවිතය තාවකාලිකව අත්හිටවූ අතර ඒ වන විටත් පුද්ගලයින් 10 දෙනෙකු අනුරාධපුර සහ මහනුවර රෝහල්වලදී මියගොස් ඇති බවද හෙතෙම පෙන්වාදේ.
කෙසේ නමුත් මේ සම්බන්ධයෙන් කළ පරික්ෂණයන්ගේ ප්රගතිය තවමත් වාර්තා වී නොමැති බවද වෛද්ය චමල් අවදාරණය කරයි.
මෙම වකුගඩු කාන්දු පෙරණ ඩයලයිසීස් කැප් ඉන්දියානු ණය යෝජනා ක්රමය යටතේ හදිසි මිලදි ගැනීමක් ලෙස පසුගිය නොවැම්බර් මාසයේදී සිදුවී ඇති අතර st.Stone medical device නම් සමාගමක් හරහා හෙහ හදිසි මිලදී ගැනීම සිදුව ඇතැයිද පැවසේ.
ආරම්භයේදී මෙම ටයිල් isis cap ලක්ෂ 12ට ආසන්න ප්රමාණයක් ඉල්ලුම් කොට ඇති අතර ඉන් ලක්ෂ පහකට ආසන්න ප්රමාණයක් පසුගිය නොවැම්බර් වන විට මෙරටට ගෙනවිත් ඇතැයිද හෙතෙම පෙන්වාදේ.
සෞඛ්ය පද්ධතියේ පරිපාලන හා දුර්වලතා සම්බන්ධව විශේෂ කමිටුවක් පත්කොට සෞඛ්ය පද්ධතියේ කඩාවැටීම සම්බන්ධයෙන් තොරතුරු අනාවරණය වී ඇති හා දූෂණ චෝදනා අනාවරනය වී ඇති සනාථ වී ඇති අමාත්යංශය නිලධාරීන් සම්බන්ධයෙන් වහාම පියවරක් ගන්නැයි වෘත්තීය සමිති සන්ධානය ජනාධිපතිවරයාගෙන් යළිත් වරක් ඉල්ලා සිටියි.
