රන්ජිත් රාජපක්ෂ –
තමන්ට පහර දි තුවාල සිදු කල බවට මාධ්ය හරහා අසත්ය චෝදනා කිරිම සම්බන්ධයෙන් මහනුවර දිස්ත්රික් පාර්ලිමේන්තු මන්ත්රී ගුණතිලක රාජපක්ෂට එරෙහිව නිතිමය පියවර ගන්නා බව මහනුවර දිස්ත්රික් පාර්ලිමේන්තු මන්ත්රී මහින්දානන්ද අලුත්ගමගේ පැවසිය.
මහින්දානන්ද අලුත්ගමගේ ඒ බැව් කියා සිටියේ අද (14) දින නාවලපිටිය ප්රදේශයේ විශේෂ මාධ්ය හමුවක් කැඳවමිනි. ඊයේ මාධ්ය හමුවේ ප්රකාශක් කරමින් පාර්ලිමේන්තු මන්ත්රී ගුණතිලක රාජපක්ෂ පැවසුවේ මහින්දානන් අලුත්ගමගේ තමන්ට ගැහුවේ නැති බව කියන කතාව අමූලික බොරුවක් බවත් ඔහුට එරෙහිව නීතිමය පියවර ගැනීමට තමන් කටයුතු කරන බවත්ය. එමෙන්ම සිද්ධිය පිළිබඳව පාර්ලිමේන්තුවේ විශේෂ ප්රකාශයක් කරමින් රටට හෙළිදරව් කරන බව ද ගුණතිලක රාජපක්ෂ මන්ත්රීවරයා ප්රකාශ කර තිබිණි. මහනුවර දිස්ත්රික් සම්බන්ධීකරණ කමිටුවේ සභාපති ධූරය දරනු ලබන්නේ ගුණතිලක රාජපක්ෂ මන්ත්රීවරයා විසිනි.
ඔහු හා මහින්දානන්ද අලුත්ගමගේ අතර පැවති විරසකය තීව්ර වී පසුගිය 03 වැනිදා දැඩි ආරවුලක් ඇතිවීමෙන් පසු ගුණතිලක රාජපක්ෂ මන්ත්රීවරයාගේ කකුලක් බිඳී ඔහුව සැත්කමකට භාජනය කර තිබිණි. දින 10ක ප්රතිකාර කාලයකින් අනතුරුව ඔහු නිවසට පැමිණියේ ඊයේ දිනයේ ය.
ඊයේ මාධ්යයට ප්රකාශයක් කරමින් මහින්දානන්ද අලුත්ගමගේ තමන්ට පහර දුන් බවට ගුණතිලක රාජපක්ෂ මන්ත්රීවරයා කළ ප්රකාශය සම්බන්ධව තමන්ගේ පාර්ශවයෙන් අදහස් දැක්වීමට මහින්දානන්ද අලුත්ගමගේ අද කැඳවූ පුවත්පත් සාකච්ඡාවේ දී ඔහු කීවේ තමන් ගුණතිලක රාජපක්ෂ මන්ත්රීවරයාට පහර දුන් බවට ඔහු කරන අසත්ය චෝදනාවට එරෙහිව තමන් නීතිමය පියවර ගන්නා බවය.
එහිදී අදහස් දැක්වූ මහින්දානන්ද අලුත්ගමගේ මන්ත්රීවරයා මෙසේ පැවසුවේය.
“පාර්ලිමේන්තු මන්ත්රී ගුණතිලක රාජපක්ෂ මන්ත්රිවරයා විසින් පසුගියදා ජනාධිපති ලේකම් කාර්යාලයේ පැවති ආණ්ඩු පක්ෂ රැස්විමේදි මා ඔහු පහර දුන් බවටත් පහර දිමෙන් ඔහුගේ පාදයට බරපතල තුවාල සිදු වු බවටත් ඔහුගේ පුත් නිලුපුල් රාජපක්ෂ සහ ගුණතිලක රාජපක්ෂ අවස්තා හතරකදි මාධ්යය හරහා මට චෝදනා කර තිබුණා.”
“මම එම චෝදනාව තරයේ ප්රතික්ෂේප කරනවා , මම මගේ නිතිඥයවරයාට උපදෙස් දුන්නා එම දෙදෙනාට එරෙහිව නිතිය ක්රියාත්මක කරන්න කියලා.”
“ගුණතිලක රාජපක්ෂ මහතා එදින රාජ්ය නිලධාරින් ඉදිරියේදි පරුෂ වචනයෙන් බැන වැදුණා , මම ඔහුට උපදෙස් දුන්නා රාජ්ය නිලධාරින් ඉදිරියේ එහෙම හැසිරෙන්න එපා කියලා.”
“එතනදි බහින් බස් විමක් තමයි ඇති වුණේ. පසුව ඔහු විසින් පොලිසියට භාර දිලා තියෙනවා ඇසින් දුටු සාක්ෂිකරුවන් සිව්දෙනෙක් මම ඔහුට පහර දුන්නා කියලා.”
“ඒ තමයි පොලොන්නරුව දිස්ත්රික් පාර්ලිමේන්තු මන්ත්රී ජගත් , කළුතර දිස්ත්රික් පාර්ලිමේන්තු මන්ත්රී ලලිත්, ගම්පහ දිස්ත්රික් පාර්ලිමේන්තු මන්ත්රී සහන් ප්රදිප් , කොළඹ දිස්ත්රික් පාර්ලිමේන්තු මන්ත්රී මදුර විතාන යන අය.. පොලිසිය විසින් මේ අයගෙන් සාක්ෂි සටහන් කරගෙන තියෙනවා.”
“මේ කිසිදු අයෙක් පොලිසියට සාක්ෂි දිලා නැ මම ගුණතිලක රාජපක්ෂ මහතාට පහර දුන්නා කියලා . පසුව පොලිසිය විසින් ජනාධිපති ලේකම් කාර්යාලයේ රැස්විම තිබුණ ස්ථානයේ පරික්ෂණයක් කරලා තියෙනවා එහිදිත් කිසිදු සාක්ෂියක් ලැබිලා නෑ.”
“එතුමා මේ කරන්නේ වෙනත් කෙනෙකුගේ අවශ්යතාවයක්. ඒ සම්බන්ධයෙන් මම කණගාටු වෙනවා , මම ඒ සම්බන්ධයෙන් නිතිමය පියවර ගන්නවා.” යනුවෙන් පැවසිය
