අද උදේ 7ය පමණ නිවසක් මතට පස් කන්දක් කඩා වැටීම හේතුවෙන් එම නිවසේ සිටි තරුණ දරුවන් දෙදෙනෙක් මිය ගොස් තිබේ.
සිද්ධිය වාර්තා වන්නේ අකුරණ අලවතුගොඩ ප්රදේශයේ දුනුවිල දොරගමුවෙහි දී ය.
මෙසේ මිය ගොස් ඇත්තේ අයේෂා නිසාලි විතාරණ (18) සහ සිතුම් සාරාංග විතාරණ (16) නමැති එකම පවුලේ සොයුරා සහ සොයුරිය ය.
අනතුර සිදුවූ පසු මෙම දරුවන් දෙදෙනා මුදවාගෙන ජම්බුගස්පිටිය ප්රාදේශීය රෝහල වෙත රැගෙන ගොස් ඇත. කෙසේ වෙතත් ඔවුන්ගේ ජීවිත බේරා ගැනීමට නොහැකි වී තිබේ.
අනතුර සිදු වන විට නිවසේ සිටි මහින්ද ලක්ෂ්මන් පුෂ්පකුමාර 56 හැවිරිදි පියා සහ 44 හැවිරිදි ප්රියංකා නෙලුම් ජයවීර මව සහ වයස අවුරුදු 12 ක් වන මල්ෂි විතාරණ දියණිය මේ වන විට ජම්බුගහපිටිය රෝහලේ ප්රතිකාර ලබමින් සිටිති.
මේ වන විට අකුරණ බල ප්රදේශයේ ද ජලයෙන් යටවී තිබේ. මාර්ගයෙන් නතර කර තිබූ වාහන රැසක් ජලය ගසා ගොස් ඇති අතර අඩි හතරකට ආසන්න ජල කඳක් අකුරණ නගරයේ යට කරගෙන ඇති බවට තොරතුරු ලැබී තිබේ.
හීරැස්සගල අම්පිටිය වැවතැන්න ආදී ප්රදේශවලත් නායයෑම් වාර්තා වී ඇති අතර ජීවිත හානි වාර්තා වී නැති බව මහනුවර පොලිසිය ජේෂ්ඨ පොලිස් අධිකාරි කාර්යාලය පවසයි.
