තමන් සතුව අවශ්ය තරම් මුදල් තිබිය දී ශ්රී ලංකා ක්රිකට් ක්රීඩක ධනිෂ්ක ගුණතිලකට ඇප ලබා ගැනීමට අවශ්ය ඩොලර් ලක්ෂ දෙකක් සොයා ගැනීම සඳහා ක්රිකට් පාලක මණ්ඩලය මේ වන විට එක් එක් පුද්ගලයින්ගෙන් ආධාර ඉල්ලමින් සිටින බවත් ඒ සඳහා ශ්රී ලංකා කණ්ඩායමේ ක්රීඩක වනිඳු හසරංග විශාල මුදලක් පරිත්යාග කර ඇති බවත්, ශ්රී ලංකා ක්රිකට් ආයතනයේ හිටපු නීති ප්රධානි නීතිඥ චානක සේනානයක පවසයි.
ඊළඟ නඩු දිනය යෙදෙන ජනවාරි 12 වෙනිදාට ධනිෂ්ක ගුණතිලකට ඇප ලබා ගැනීම සඳහා අවශය නෛතික කටයුතු වෙනුවෙන් ඔවුන් මෙලෙස මුදල් සෙවීමේ උත්සාහයක් දරමින් සිටින බවත්, විවිධ පුද්ගලයින් හරහා තමාගෙන් ද ඩොලර් 50 000ක් සොයා ගැනීමට උදව් ඉල්ලා ඇති බවත් ඔහු අද (11) මාධ්යයට පැවසීය.
මේ වන විට ධනිෂ්ක ගුණතිලක ඕස්ට්රෙලියාවේ සිඩ්නි නුවර සිල්වර් වෝටර් බන්ධනාගාරයේ රඳවා සිටියි. ඔහුට ඇප ලබා ගැනීම සඳහා ක්රිකට් පාලක මණ්ඩලයට අවශ්ය තරම් මුදල් තිබියදී මෙසේ එක් එක් පුද්ගලයින්ගෙන් මුදල් ඉල්ලා හිඟා කෑමේ තත්ත්වයට පත් වීම සම්බන්ධයෙන් චානක සේනානායක සිය මවිතය පළ කළේය.
විස්සයි විස්ස ලෝක කුසලාන තරඟාවලිය සඳහා සහභාගී වීමට ගිය ධනිෂ්ක ගුණතිලකට කැමැත්තකින් තොරව ලිංගිකව එක්වීමේ චෝදනා හතරක් සම්බන්ධයෙන් ඕස්ටේලියානු යුවතියක් චෝදනා එල්ල කර තිබූ අතර නොවැම්බර් 5 වෙනිදා ඔහු අත්අඩංගුවට පත් විය.
පසුගියදා පැවති නඩුවේදී ඔහුට ඇප නොලැබිණි.
