ඉඳුනිල් කහටපිටිය –
ඊයේ ( 10) ඉන්දියාවම තිගස්වමින් සිදුවුන දිල්ලි බෝම්බ පිපිරීමේ ප්රධාන සැකකරුවෙක් ලෙස වෛද්ය උමාර් මොහොමඩ් නැමැත්තෙක් හඳුනාගෙන තිබේ.
1989 පෙබරවාරි 24 වන දින ජම්මු සහ කාශ්මීරයේ පුල්වාමා හි උපත ලැබූ උමර් මොහොමඩ් අල් ෆලා වෛද්ය විද්යාලයේ වෛද්යවරයෙකු ලෙස සේවය කළ අයෙකි..
මෙතෙක් කරන ලද විමර්ශනවලට අනුව, උමර් මොහොමඩ් මෝටර් රථය පැදවූ බවට වූ සාධාණ සැකයක් ඇති කරන සාක්ෂි ලැබී තිබේ. ඔහුගේ ශරීර කොටස් කිහිපයක් සොයාගෙන ඇති අතර, දිල්ලි පොලිසිය අනන්යතාවය තහවුරු කිරීම සඳහා DNA පරීක්ෂණයක් පවත්වන බව ඉන්දීය මාධ්ය වාර්තා කරයි.
ඊයේ සවස රතු කොටුව අසල පුපුරා ගිය සුදු හුන්ඩායි i20 මෝටර් රථයේ හිමිකරුවා වෛද්ය උමර් මෙහොමඩ්ය. උමර් මොහොමඩ් සම්බන්ධව මේ වනවිට තවත් කාරණයක් හෙළි වි තිබේ.
ත්රස්ත ප්රහාරයක් සැලසුම් කිරීම සම්බන්ධයෙන් පසුගිය දින කීපය තුළ ෆරීදාබාද්හි වෛද්යවරුන් කීප දෙනෙක් ඉන්දීය ආරක්ෂක අංශ විසින් අත් අඩංගුවට ගත්තේය. ජම්මු සහ කාශ්මීර් සහ හර්යානා පොලිස් කණ්ඩායම් විසින් මෙම “සුදු කරපටි ත්රස්ත මොඩියුලයේ සාමාජිකයින්” අත්අඩංගුවට ගෙන තිබිණි.
ඉන් එක් වෛද්යවරයෙක් වූ අදීල් අහමඩ් රාදර්ය. අනෙකා වෛද්ය මුජම්මිල් ෂකිල්ය.
අදීල් අහමඩ් රාදර් අනන්ත්නාග් රජයේ වෛද්ය විද්යාලයේ වෛද්යවරයෙකි. ත්රස්ත කණඩායමක් වු ජයිෂ්-ඊ-මොහොමඩ් කණ්ඩායමට ප්රශංසා කරන පෝස්ටර් ශ්රීනගර්හි අලවන ආකාරය CCTV දර්ශනවලින් පෙන්නුම් කිරීමෙන් පසු නොවැම්බර් 6 වන දින උත්තර් ප්රදේශ්හි සහරන්පූර් හි රෝහලකින් අදීල් රදර් අත්අඩංගුවට ගන්නා ලදී.
මෙම සතිය මුලදී, පොලිසිය අනන්ගාර් රජයේ වෛද්ය විද්යාලය වටලා පරීක්ෂා කිරීමේ දී වෛද්ය ආදිල්ගේ ලොකරයෙන් AK-47 රයිෆලයක් සහ පතොරම් සොයා ගත්තේය. ඔහුට ආයුධ පනත සහ නීති විරෝධී ක්රියාකාරකම් වැළැක්වීමේ පනත යටතේ චෝදනා එල්ල විය.
වැඩිදුර විමර්ශනයේදී ෆරීදාබාද්හි පුපුරණ ද්රව්ය කිලෝග්රෑම් 2,900 ක් සහ ආයුධ සොයා ගැනීමට ආරක්ෂක අංශවලට හැකි විය ඒවා ආදිල් විසින් තවත් වෛද්යවරයෙකු සමඟ ගබඩා කර තිබිණි. ඔහු මුසම්මිල් ෂකීල් ය. ඔහු නොවැම්බර් 10 වන දින අත්අඩංගුවට ගත්තේය.
වෛද්ය ෂකීල්ගේ මොඩියුලයේම කාන්තා වෛද්යවරියක වන වෛද්ය ෂහීන් ෂාහිඩ් ඉන් අනතුරුව අත්අඩංගුවට ගන්නා ලදී. ඇගේ මෝටර් රථයෙන් රයිෆලයක් සහ ජීව උණ්ඩ සහිත මැගසිනයක් සොයා ගන්නා ලදී.
දැනට ආනාවරණය වී ඇති තොරතුරු අනුව වෛද්ය උමාර් මොහොමඩ් මේ සුදු කරපට ත්රස්ථ කල්ලිය සමගම සම්බන්ධ වූවෙකි. ඉන්දීය මාධ්ය වාර්තා කරන්නේ සිය සගයන් හෙළිදරවු වීමත් සමග වෛද්ය උමාර් මොහොමඩ් ෆරීදාබාද් වෙතින් පලා ගොස් මෙම පුපුරුවා ගැනීම සිදුකර ඇති බවය.
දිල්ලි පිපිරීම සිදු කළ ආකාරය
රතු කොටුව අසල පුපුරා ගිය සුදු හුන්ඩායි i20 මෝටර් රථය බඩාර්පූර් දේශසීමාවෙන් දිල්ලියට ඇතුළු වන ආකාරය CCTV වීඩියෝ සහ ඡායාරූපවලින් දැක්වේ.
එය පිටත වටරවුම් මාර්ගය හරහා වාහනය පැරණි දිල්ලියට පැමිණ ඇත. HR 26CE7674 අංක තහඩුව සහිත වාහනය පැය තුනකට වැඩි කාලයක් රතු චතුරශ්රය අසල රථ ගාලයේ නවතා තබා තිබේ. පස්වරු 3:19 ට ඇතු ඇතුළු වූ වාහනය රථ ගාලෙන් පිට වන්නේ සවස 6:30 ට පමණය. ඒ කාලය තුළ සැකකාර මරාගෙන මැරෙන බෝම්බකරු විනාඩියක්වත් මෝටර් රථයෙන් පිටව ගොස් නැත.
මූලික විමර්ශනවලින් පෙනී යන්නේ ප්රහාරයට භාවිතා කළ මෝටර් රථය අයිතිකරුවන් කීප දෙනෙක් අත මාරු වූ රථයක් බවය.
විමර්ශන ආයතන විමර්ශනය තීව්ර කර තිබේ. පිපිරීම නවදිල්ලියේ ආරක්ෂක ආරක්ෂාව ඉහළ නන්නවා ඇත. ප්රහාර චේතනාව හෙළි වී නැත. ප්රහාරයේ වගකීම පිළිබඳව ද නිශ්ඡිත ප්රකායක් තවම මත් වී නැත. භාවිතා කරන ලද නිශ්චිත පුපුරණ ද්රව්ය සහ එය නගර මධ්යයට ප්රවාහනය කළ ආකාරය පිලිබඳ තවමත් විමර්ශකයින් පරීක්ෂණ පවත්වති.
වෛද්ය උමාර් මොහොමඩ් ප්රබල සැකකරුවෙකු ලෙස මතුවී ඇතත්, කිසිදු නිල චෝදනාවක් තවමත් ප්රසිද්ධියේ ප්රකාශයට පත් කර නොමැති බව කිව යුතුය. සියලු විමර්ශන මාර්ග විවෘතව පවතින බව විමර්ශකයෝ අවධාරණය කරති. බලධාරීන් පුරවැසියන්ගෙන් විමසිලිමත් වන ලෙසත්, පොදු ස්ථානවල ආරක්ෂක පරීක්ෂාවන්ට සහයෝගය දක්වන ලෙසත් ඉල්ලා සිටී.
