මනම්පිටිය නිමල් ජයරත්න –
-
අවුරුදු හයක් කිසිදු වේතනයක් නැතිව සිසුන්ට මග පෙන්වූ උත්තම ක්රීඩා ගුරුවරයෙකු වන්නියට රන් වැසි වස්සවයි!
සුගතදාස ගෘහස්ථ ක්රීඩාංගණයේදී පසුගියදා පැවැති ශ්රී ලංකා පාසල් කනිෂ්ඨ ජාතික කරාතේ ශූරතාවලියෙන් දිඹුලාගල අධ්යාපන කලාපයට අයත් අරලගංවිල විලයාය මධ්ය මහා විද්යාලය හා විලයාය ප්රාථමික විද්යාලයෙන් ඉදිරිපත් වූ කණ්ඩායම්වල සිසුහු රන් පදක්කම් හතරක්, රිදී පදක්කම් නමයක්, ලෝකඩ පදක්කම්, තුනක් ඇතුළු පදක්කම් දාසයක් ජයග්රහණය කිරීමට සමත් වූහ.
උතුරු මැද පළාත් ජාතික පාසල් ශූරතාවලියට ඉදිරිපත්වූ සිසුන් නවදෙනෙකු ගෙන් රන් පදක්කම් දෙකක් ද ලෝකඩ පදක්කකඩ පදක්කම් දෙකක් ද හිමිකර ගැනීමෙන් දෙවැනි ස්ථානය හිමිකර ගැනීමට විලයාය ප්රාථමික විද්යාලය සමත් වූයේය.
වසර හයක් තිස්සේ ස්වෙච්ඡාවෙන් ගුරුහරුකම් ලබාදෙන කරාතේ ගුරු උපදේශක එච්.එම්. සමන් කුමාර ගේ පුහුණුවෙන් විලයාය ප්රාථමික විද්යාලයේ විදුහල්පති කිත්සිරි අබේගුණවර්ධනගේ සහ විලයාය ජාතික පාසලේ විදුහල්පති ප්රියන්ත ගාල්ලගේ මෙන්ම ගුරුවරුන්ගේ ආශිර්වාදයෙන් මෙම ජයග්රහණ ලබාගැනීමට එම සිසුහු සමත් වූහ.
ඒ අනුව විලයාය ප්රාථමික විද්යාලයේ විමංසා නිම්සරනි, තිනුරි අමාෂා, මනුජ දිහංස,යන සිසු, සිසුවියන් පිළිවෙලින් රන්. රිදී. ලෝකඩ පදක්කම්ද විලයාය ජාතික පාසලේ මනුලි දියත්මා, දහම් ශ්රී දම්සර, ගේමිත්ත සසෙන්, ටි,එම්,සමරකෝන්,,ඉන්දූප උදාන, අනුත්තරා සත්සරණි. අමාලි උමයංගනා, ශශීකලා හංසමාලි,සඳුන් මලීෂ, අයේශා කුමාරි යන සිසු,සිසුවියන්, පිළිවෙලින් රන්, රිදී, ලෝකඩ පදක්කම් ද හිමිකර ගැනීමට සමත් වූහ.
විවිධ බාධක හා දුෂ්කරතා මැද ශ්රී ලංකා පාසල් කනිෂ්ඨ ජාතික කරාතේ ශූරතාවලියෙන් ප්රථම වරට දිඹුලාගලට රන්, රිදී, ලෝකඩ, පදක්කම් විශාල ප්රමාණයක් ජයග්රහණය කරදුන් මෙම සිසු, සිසුවියන්, ලබන වසරේදී මැලේසියානු පාසැල් කරාතේ ශූරතාවලියට ඉදිරිපත් කිරීමට සුදුසුකම් ලබාඇති බව විලයාය ප්රාථමික විද්යාලයේ විදුහල්පති කිත්සිරි අබේගුණවර්ධන සඳහන් කළේය.
දෙමව්පියන්ගේ ආර්ථික දුෂ්කරතා මැද, අඩු පහසුකම් යටතේ ඉගෙනුම ලබන පොළොන්නරුව දිඹුලාගල වැනි දුෂ්කර පළාතක මෙම කරාතේ ශූරීන් සියලු අභියෝග ජයගෙන මෙතරම් විශාල ජයග්රහණයක්, කීර්තියක්, හිමි කරගැනීම සුවිශේෂී කරුණාවක් බවත්, විශේෂයෙන් වසර හයක් අඛණ්ඩව කිසිදු වැටුපකින් තොරව, ඔවුන්හට පුහුණුව ලබාදුන් සමන් කුමාර වැනි කරාතේ ගුරු උපදේශකවරුන් සැබවින්ම රටට ජාතික සම්පතක් බවද මේ පිළිබඳ අදහස් දක්වමින් විලයාය ප්රාථමික විද්යාලයේ විදුහල්පති කිත්සිරි අබේගුණවර්ධන සඳහන් කළේය.
