මනම්පිටිය නිමල් ජයරත්න –
ඉකුත් ජනවාරි මාසයේ සිට මේ දක්වා පොළොන්නරුව විජයබාපුර පෞද්ගලික ඉංග්රීසි ගුරුවරයෙකුගෙන් තම දියණිවරුන්ට ලිංගික අතවර සිදුවූ බව දන්වා දැරියන් 06 දෙනෙකුගේ දෙමව්පියන් පොලොන්නරුව පොලිසියට සිය පැමිණිලි ඉදිරිපත් කර තිබේ.
වාර්තාවන පිරිදි මෙම ගම්මානයේ දැරියන් විශාල පිරිසක් මෙම ගුරුවරයා විසින් අපයෝජනය කර ඇති නමුත් දරුවන් සමාජය ඉදිරියේ නිග්රහයට පත්වනු ඇතැයි බියෙන් බොහෝ දෙමව්පියන් පොලිසියට මෙම සිදුවීම් සම්බන්ධව පැමිණිලි කිරීම මග හැර ඇත.
පොලිසියේ පැමිණිලි සටහන් වුන ලිංගික හිංසනයට පත්වූ දරුවෝ 12 -15 දක්වා වයස් ඛාණ්ඩයේ පසුවන අය වෙති.
මව්පියන් සිදුකළ පැමිණිලි අනුව සැකකාර හතළිස් හැවිරිදි එක්දරු පෞද්ගලික ඉංග්රීසි ගුරුවරයා පොලිස් අත්අඩංගුවටගෙන පොලොන්නරුව මහේස්ත්රාත් අධිකරණය වෙත ඉදිරිපත් කිරිමෙන් පසු මේ මස 29 වැනිදා දක්වා රක්ෂිත බන්ධනාගාර ගත කර තිබේ.
පොලොන්නරුව පොලිසිය වැඩිදුර පරීක්ෂණ පවත්වයි.
