පෝලිම්වල රැඳී සිටිමින් වැඩි කාලයක් ගතකිරීම මත දහවල තිබූ දැඩි අවු රශ්මිය හේතුවෙන් විජලන තත්ත්වයට පත් වූ දරුවන් දෙදෙනෙක් මහනුවර ජාතික රෝහලට ඇතුළත් කර තිබේ.
මොවුන් පෝලිම්වලදී සිහි මුර්ජාවීම හේතුවෙන් 1990 ගිලන්රථ සේවය හරහා රෝහල්ගත කර ඇත.
මේ වනවිටත් ඔවුහු මහනුවර ජාතික රෝහලේ කඩිනම් ප්රතිකාර සේවා ඒකකයේ ප්රතිකාර ලබමින් සිටින බවක් දැනගන්නට තිබේ.
අද දිනයේ දළදා දැක්මට ගිය බැතිමතුන් වැඩිම පීඩනයකට පත් වන්නේ අම්පිටිය මංසන්ධියේ රතු බෝක්කුව අසලින් සංඝරාජ මාවත ඔස්සේ ගොස් බිසෝකොටුව උල්පැන්ගේ අසලින් ක්වීන්ස් හෝටල ඉදිරිපිටින් ගොස් මහ මළුවට ප්රවේශවන මාර්ගය ඔස්සේ පැමිණි කණ්ඩායමය.
එකවරම පාලනය කළ නොහැකි විශාල පිරිසක් උල්පැන්ගේ ආසන්නයෙන් පෝලිමට ඇතුළුවීම නිසා දැඩි තදබදයක් එම පටු තීරය තුළ ඇති වූ අතර එය සමනය කරගැනීමට සෑහෙන කාලයක් ගත වී තිබිණි. මේ එම ස්ථානයේ දී රෝගී වූ දරුවන් ගලබා ගන්නට සහන සේවා නිලධාරීන්ට වහලට නැග ගැනීමට සිදුවූ ආකාරය ය.
