මනම්පිටිය නිමල් ජයරත්න –
දළදා මාළිගාවට බෝම්බ ගැසූ අනුර කුමාරලාට ඡන්දය ලබා දෙන්න මේ රටේ බෞද්ධයින් සූදානම් නැතැයි සමගි ජන බලවේගයේ මාතලේ දිස්ත්රික් පාර්ලිමේන්තු මන්ත්රී රෝහිණී කුමාරි කවිරත්න පවසයි. එමෙන්ම අනුර කුමාරලා 88-89 වකවානුවේ ඝාතනය කළ පුද්ගලයින්ගේ පවුල්වල අය සහ ඒ වකවානුවේ මිය ගිය 60,000ක් තරුණයින්ගේ දෙමව්පිය ඥාතිවරුන්ට අනුර කුමාරට ඡන්දය දෙන්නට පිස්සුවක් නැතැයි ද රෝහිණී කුමාරි කවිරත්න පැවසුවාය.
සමගි ජන බලවේගයේ මාතලේ දිස්ත්රීක් පාර්ලිමේන්තු මන්ත්රිණී රෝහිණී කවිරත්න මහත්මිය මේ අදහස් පලකර සිටියේ සමගි ජන බලවේගයේ ජය තහවුරු කරමින් අරලගංවිල ,දිවුල්දමන ප්රදේශයේ 10 වෙනිදා සවස පැවති ජන හමුවකට එක්වෙමිනි.
මෙහිදී වැඩිදුරටත් අදහස් දක්වමින් පාර්ලිමේන්තු මන්ත්රිනී රෝහිණී කවිරත්න මහත්මිය මෙසේද පවසා සිටියාය.
මේ රට බංකොලොත් කලා වගේම මේ රටට අසූචි පොහොර ගෙනල්ලා මේ රටේ කෘෂිකර්මාන්තය විනාශ කරන්න කටයුතු කලා. මම තමයි කිවුවෙ ඒවට අසූචි පොහොර කියල. ඒවායේ අර්වීනියා කියන විෂබීජය තිබුනා. ඒ විෂබීජය අපේ පොළොවට එකතු උනානම් අපේ පස විනාශ වෙනවා. එදා ඩඩ්ලිස් සේනානායක මහතාගෙ කාලෙත් මේක උනා. මේවා තමයි ජාත්යන්තර කුමන්ත්රණ කියන්නෙ.
එදා බිබිලෙ තිබුණු දොඩම් නුවර එළියෙ වැවුනු පෙයාස් ඇපල් වලට මොකද උනේ. ඒවා නැති උනා. ඒ කුමන්ත්රණය නැවත වතාවක් ක්රියාත්මක කරන්න තමයි කාබනික පොහොර ගේන මුවාවෙන් ගෙනාපු අසූචි පොහොර හරහා මේ විනාශය කරන්න හැදුවෙ. ඒවායින් කොමිස් ගත්තා සමහර අය. මේ විනාශය කරපු ඇමතිවරු දෙන්නගෙන් එක් කෙනෙක් රනිල් ගාවත් අනික් ඇමති නාමල් ගාවත් අද ඉන්නවා.
අද අනුර කුමාර කියනවා 88, 89 අමතක කරන්නලු. අපි අමතක කරන්නම්. හැබැයි අනුර කුමාරලා ඝාතනය කරපු පවුල්වල අය අනුර කුමාර අමතක කරයිද. එහෙම ලේසියෙන් අමතක කරන්නෙ නෑ. අදත් ඒ අය කදුලු බොනවා. ඒ නිසා 60,000 ක් දරුවන් අහිමි කල අම්මලාට මේ චන්දයේදී අනුරට චන්දය දෙන්න පිස්සු තියෙයි කියල අපි හිතන්නෙ නෑ
.
ඒ නිසා එල්.ටී.ටී.ඊ. එකටත් දළදා මාළිගාවට බෝම්බ ගහන්න පාර පෙන්නුවෙ අනුර කුමාර දිසානායකලා මිස වෙන කවුරුවත් නෙමෙයි. මේ ඉන්න බෞද්ධයෝ කිසි කෙනෙක් අනුර කුමාරට චන්දය දීමට ඉදිරිපත් නොවන බවද රෝහණී කවිරත්න මහත්මිය සඳහන් කළාය.
