දරුවාගේ කාමයක්ෂ දෝෂය දුරු කරන්න මවගේ වියදමින් නාඹර ගැහැනු හා යහන්ගත වූ වාරියපොල “ඍෂිවරයා“  

ආර්.එම්.ඩබ්ලියු. බණ්ඩාර –

තම වසර තුනක් වයසැති දරුවාගේ කාමයක්ෂ නම් දෝෂයක් දුරු කිරීම සඳහා “ඍෂිවරයෙක්“ ලෙස පෙනී සිටිනා කට්ටඬියෙක් වෙත  මසකට වරක්   අවුරුදු 30ට අඩු කාන්තාවක් සමග පැය 02කට යහන්ගතවීමට සුදුසු කාන්තාවන් සෙවූ එක් දරු තරුණ මවක් වාරියපොල  පොලිසිය මගින් අත්අඩංගුවට ගෙන තිබේ.

තමන්ට රුපියල් දස දහසක මුදලක් ගෙවා යම් පුද්ගලයෙක් සමග යහන්ගතවීමට  යෝජනා කළ එක්දරු කාන්තාවක් පිළිබඳව වාරියපොල පොලිසියේය ළමා හා කාන්තා කාර්යාංශයට ලැබුණු පැමිණිල්ලක් ඔස්සේ එම කාන්තාව අත්අඩංගුවට ගෙන විමර්ශන පැවැත්වීමේ දී මේ කරුණු අනාවරණය වී තිබේ.

අත්අඩංගුවට ගත් එක්දරු මව සිය දරුවාගේ කාම යක්ෂ දෝෂය දුරු කරගැනීම සඳහා දැරණියගල ප්‍රදේශයේ සිටින ඍෂිවරයා වෙත සෑම මසකම කාන්තාවන් සපයා ඇත. ඒ රුපියල් දස දහස් ගණනක් වැය කරමිනි.  මෙම “ඍෂිවරයා“ ඇයගේ මනසට ඇතුළු වී සියලු තොරතුරු හෙළි කරගන්නා බව එම කාන්තාව පවසා තිබේ.

කෙසේ වෙතත් දරුවාගේ කාම යක්ෂ දෝෂය දුරු කරදීම සඳහා   මෙම කාන්තාව ලවා වයස අවුරුදු 30ට අඩු කාන්තාවන් ගෙන්වාගෙන වසරක පමණ කාලයක් පුරා  වාරියපොල ස්ථානයක දී මෙම කට්ටඬියා   කාන්තාවන් සමග යහන්ගත වී ඇති බව පොලිසිය පවසයි.

වාරියපොල පොලිසිය වැඩිදුර පරීක්ෂණ පවත්වයි.