පාසල් දරුවන්ගේ පොත් බෑග් පරීක්ෂා කරමින් අයිස් මත්ද්රව්ය සොයන ලාභ “මීඩියා ෂෝ“ වලින් ඉවත්වී මත්ද්රව්ය වැටලීම සඳහා නිශ්චිත නියෝග සහ අධිකරණයෙන් සහතික කරන පුද්ගලික ආරක්ෂාවේ අයිතිය ලැබෙනවා නම් පැය 24ක් තුළ රට මත්ද්රව්යවලින් තුරන් කිරීමේ හැකියාව පොලිසිය සතු බව පොලිස් දෙපාර්තමේන්තුවේ ඉහළම තලයේ ආරංචි මාර්ග තහවුරු කරයි.
මත්ද්රව්ය භාවිතයේ යම් ප්රමාණයක වැඩිවීමක් දක්නට ලැබුණත් මේ නිර්මාණය වී ඇත්තේ අතාර්කික භීතියක් බවත්, මත්ද්රව්ය තුරන් කළ නොහැක්කේ මත්ද්රව්ය ජාවාරම් කරුවන් සමග ඍජුව සහ වක්රව බැඳුනු දේශපාලන බලය සහ පොලිසියේ ඉහළ තලවල සිටිනා උසස් නිලධාරීන් කීපදෙනෙකුගේ අලජ්ජී බලපෑම් බවත් එම තොරතුරු මාර්ග පෙන්වා දෙයි.
ඔවුන් පවසන්නේ මත්ද්රව්ය ජාවාරම සිදුවන ආකාරය, එම ජාලයන්හි ස්වරූපය, බෙදා හැරීම සහ ඊට සම්බන්ධ පුද්ගලයින් සම්බන්ධ අති මහත් තොරතුරු සමූහයක් පොලිසිය සතුව ඇති බවය.
ඡන්ද ආසන්නයේ ප්රාදූර්භූතවන ලාභ දේශපාලන විගඩමක් ලෙස සමාජ විවේචනයක් එල්ල වී ඇති මෙම අයිස් භීතිකාව සැබෑ තත්ත්වයට අධි ආරෝපණයක් ඇති කර තිබෙන බවක් පෙනී යන්නේ යැයි සමාජ විමර්ශකයින් ද පෙන්වා දී ඇත.
ඔවුන් පෙන්වා දෙන්නේ නාටකාකාරී මේ පෙළගැස්මට මත්ද්රව්ය සහ දරුවන් යොදාගැනීම අතිශය ව්යසනකාරී ප්රතිඵලයක් අනාගතයේ දී රටට උදාකිරීමට හැකි බවය.
“ දැන් දරුවොන්ගෙ බෑග් චෙක් කරනවා. ලොකු ප්රචාරයක් දෙනවා. ඒත් ඔය මත්ද්රව්ය පැකට් එකක් අවශ්යනම් තාප්පෙන් ඇතුළට දාන්න බැරිද ?. අනතුර මේ තරම් ප්රබල නම් මේ විදිහට මේක මැඩ පවත්වන්න පුලුවන් ද?. රටටම අයිස් ගෙනෙන්නෙ ජාවාරම් කරුවන් කීප දෙනෙක් විතරයි. ඔවුන්ගෙ ජාවාරම තියෙන්න හැංගිලා. ඒත් මේ තොරතුරු සියල්ල නාකොටික් එක දන්නවා. සැබෑ ලෙසම මේ ප්රශ්නයට උත්තර අවශ්ය නම් බලපෑම් රහිතව ඊට අවශ්ය පරිසරය සකස් විය යුතුයි. දින කීපයකින් ජාවාරම අඩපණ කළ හැකියි…“
පොලිස් ප්රධානියෙක් ලංකාසරට පැවසුවේ එලෙසය.
