දකුණු ආසියාවට බිහිසුණු සිහිනයක් වු ඉන්දියාව සහ පකිස්ථානය අතර යුද්ධය ආරම්භ වී ඇති ආකාරය විදේශ මාධ්ය ඒජන්සි වාර්තා කළේය.
ඉන්දීය හමුදාව එය නම් කරන්නේ “සින්දූර් මෙහෙයුම” නමිනි. ඉන්දියාව පකිස්ථානයේ සහ පකිස්ථාන පරිපාලනය යටතේ පවතින කාශ්මීරයේ ස්ථාන නවයකට ප්රහාරඑල්ල කර තිබේ. ඉන් 06ක් මිසයිල ප්රහාරය.
මිසයිල ප්රහාර එල්ල කිරීමෙන් පසු X හි සටහනක “යුක්තිය ඉටු වේ” යනුවෙන් ඉන්දීය හමුදාව පැවසීය. ඔවුන් යුක්තිය හොයා යන්නේ ලෙයට ලෙයිනි.
මෙම මිසයිල ප්රහාරවලින් අවම වශයෙන් පුද්ගලයින් අට දෙනෙකු මිය ගොස් 35 කට වැඩි පිරිසක් තුවාල ලබා ඇති බව පකිස්ථානය පවසයි.
පකිස්ථානයේ ප්රතිචාරය
පකිස්ථාන විදේශ කටයුතු අමාත්යාංශය ප්රකාශ කර තිබුණේ ඉන්දියාව යුද්ධයක් ආරම්භ කර ඇති බවය.
“ඉන්දියාවේ ආක්රමණශීලී ක්රියාව කාන්තාවන් සහ ළමුන් ඇතුළු සිවිල් වැසියන්ගේ ජීවිත බිලිගෙන තිබේ” පකිස්ථාන විදේශ කටයුතු අමාත්යාංශය නිවේදනය කළේය. එම නිවේදනයේ මෙසේ සඳහන් විය.
“මෙම ආක්රමණශීලී ක්රියාව වාණිජ ගුවන් ගමනාගමනයට ද බරපතල තර්ජනයක් වී තිබේ. එක්සත් ජාතීන්ගේ ප්රඥප්තිය, ජාත්යන්තර නීතිය සහ අන්තර් රාජ්ය සබඳතා පිළිබඳ ස්ථාපිත සම්මතයන් බරපතල ලෙස උල්ලංඝනය කරන ඉන්දියාවේ බියගුලු ක්රියාව අපි දැඩි ලෙස හෙළා දකිමු.”
“ඉන්දියාවත්රස්තවාදයේ ගොදුරක් ලෙස තම ව්යාජ වින්දිතභාවය පිළිබඳ ආඛ්යානය ඉදිරියට ගෙන යාම සඳහා භාවිතා කර කලාපීය සාමය සහ ආරක්ෂාව අනතුරේ හෙළා ඇත.” .
“ඉන්දියාවේ නොසැලකිලිමත් ක්රියාව න්යෂ්ටික සන්නද්ධ රාජ්යයන් දෙක ප්රධාන ගැටුමකට සමීප කර ඇත”
“තත්වය අඛණ්ඩව විකාශනය වෙමින් පවතී. එක්සත් ජාතීන්ගේ ප්රඥප්තියේ 51 වන වගන්තියට අනුකූලව සහ ජාත්යන්තර නීතියේ දක්වා ඇති පරිදි, තමන් කැමති වේලාවක සහ ස්ථානයක සුදුසු ප්රතිචාර දැක්වීමේ අයිතිය පකිස්ථානය සතුය. ඉන්දීය ආක්රමණ හමුවේ පකිස්ථාන රජය, සන්නද්ධ හමුදා සහ ජනතාව එක්සත්ව සිටිති. පකිස්ථානයේ ස්වෛරීභාවය සහ භෞමික අඛණ්ඩතාව ආරක්ෂා කිරීමට සහ ආරක්ෂා කිරීමට ඔවුන් සැමවිටම අයෝමය අධිෂ්ඨානයෙන් කටයුතු කරනු ඇත.”
ඉන්දියාවේ “බියගුළු” සහ “අනපේක්ෂිත” ප්රහාරය හෙළා දකිමින් පකිස්ථාන අගමැති X පණිවිඩයක් තැබුවේය.
“මෙම අනපේක්ෂිත ඉන්දියානු ප්රහාරයට තීරණාත්මකව ප්රතිචාර දැක්වීමේ පරම අයිතිය පකිස්ථානය සතුය – ස්ථිර ප්රතිචාරයක් දැනටමත් ක්රියාත්මක වෙමින් පවතී,” ෂරීෆ් ලියා තිබිණි.
“සමස්ත ජාතියම තම සන්නද්ධ හමුදාවන් පිටුපස එක්සත්ව සිටින අතර, අපගේ චිත්ත ධෛර්යය සහ අධිෂ්ඨානය නොසැලී පවතී,” ඔහු තවදුරටත් පැවසීය.
අනතුරු ඇඟවීමෙන් පසු පකිස්ථානය මුල්ම ප්රති ප්රහාරය දියත් කළේය. ඒ කාෂ්මීරයේ ඉන්දීය දේශ සීමා ප්රදේශයේ ඉලක්ක වෙත කාල තුවක්කු ප්රහාර එල්ල කරමිනි.
කාශ්මීරය වෙන් කරන තථ්ය දේශසීමාව වන පාලන රේඛාව හරහා පකිස්ථාන හමුදාව “අත්තනෝමතික වෙඩි තැබීම්” සිදු කළ බව හමුදාව නිවේදනයක් නිකුත් කරමින් ඉන්දියාව කියා සිටියේය
ඉන්දීය හමුදාව පැවසුවේ පකිස්ථාන කාලතුවක්කු ප්රහාරයකින් සිවිල් වැසියන් තිදෙනෙකු මිය ගිය බවය.
.”අහිංසක සිවිල් වැසියන් තිදෙනෙකු අවිචාරවත් වෙඩි තැබීම් / ෂෙල් වෙඩි ප්රහාරවලින් ජීවිත අහිමි විය” යනුවෙන් හමුදාව කීවේය. ඉන්දීය හමුදා “සමානුපාතික ආකාරයෙන් ප්රතිචාර දැක්වූ” බව නිවේදනයේ දැක්විනි.
මේ වනවිට පවතින තත්ත්වය
තත්ත්වය පවතින්නේ තවදුරටත් උත්සන්න වීමේ අවදානම සහිතවය. පකිස්ථානය ඉන්දීය ගුවන් යානා 05ක් ප්රහාර එල්ල කර බිම දැමු බවට ප්රකාශ කළේය.
මේ වනවිට ඉන්දු ගංගා දාමයේ බටහිර පැත්තේ ඇති ප්රධාන ගංගාවල ජලය නවත්වා දැමීමට ඉන්දියාව තීරණය කර ඇති බව විදෙස් මාධ්ය වාර්තා කරයි. මේ වනවිට ඉන්දියාව හරහා පකිස්ථානය වෙත ගලා යන ප්රධානං ගංගාවක්වන චෙනාබ් ගංගාවේ ජලය ඉන්දියාව විසින් නවත්වා ඇත්තේ ජලය මුදා නොහැරීමේ පදනමකිනි.
චෙනාබ් ගංගාව ද ඇතුළත්ව ජලය නැවැත්වීම සඳහා ඉන්දියාව ගන්නා ඕනෑම උත්සාහයක් යුද ක්රියාවක් ලෙස සලකනු ලබන බව පකිස්තානය ද පවසා තිබුණි.
ප්රහාර ආරම්භයට පෙර සිට තිබුනේ එවැනි භයානක උත්සන්න වීමකි. ජලය අත්හිටුවීම යනුම පකිස්ථානයට සිය පැවැත්මේ තර්ජනය මතු කරන්නේ එය කෘෂිකාර්මික රටක් වීම නිසාය. ආදායම සහ ආහාර සුරක්ෂිතතාව සඳහා පකිස්ථානය කෘෂිකර්මාන්තය මත දැඩි ලෙස රඳා පවතින නිසාය. පකිස්තාන දේශපාලනඥයන් පවසන්නේ ඉන්දියානුවන් එම ගංගා නැවැත්තුවහොත් එම ගංගා ලේ වලින් ගලා යන බවය. මෙම මනෝ භාවයේ ස්වරූපය අප තිගස්වන්නේය.
