හබරණ ගල්වංගුව ප්රදේශයේදී අද (01) දහවල් බස් රථයක් සහ වෑන් රථයක් එකිනෙක ගැටීමෙන් පුද්ගලයින් දෙදෙනෙකු මියගොස් තිස්පස් දෙනෙකු තුවාල ලබා තිබේ.
ගාල්ලේ සිට ත්රිකුණාමලය බලා ධාවනය වූ බස් රථයක් කින්නියා දෙස සිට පැමිණි වෑන් රථයක ගැටීමෙන් මෙම අනතුර සිදුවී ඇත.
මෙම අනතුරෙන් මියගොස් ඇති එක් පුද්ගලයෙක් වෑන් රථයේ රියදුරු බව වාර්තා වේ. තුවාල ලැබූවන්ගෙන් පිරිසක් මේ වනවිට දඹුල්ල රෝහලට ඇතුළත් කර ඇත.
අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇති බව පොලිසිය පවසයි.
රිය අනතුරු වැලැක්වීම සඳහා දැඩි උත්සාහයක් සහිතව රජය පියවර ගෙන තිබුණ ද රිය අනතුරුවල අඩුවක් දක්නට නැති බවත්, ඇතැම් අවස්ථාවල මේ සම්බන්ධව වගකිවයුතු නිලධාරීන් නිවැරදි නොවන දත්ත ඉදිරිපත් කරමින් රජය නොමග යැවීමට කරන උත්සාහයන් වාර්තාවන බවත් පොලිසියේ අභ්යන්තර ආරංචි මාර්ග හෙළි කරයි.
