මුදල් සොරකම් කිරීම් යනු විපක්ෂය නැගූ අභූත චෝදනා බව ප්රකාශ කරමින් යන නාමල් රාජපක්ෂ ඇතුළු රාජපක්ෂ පවුලේ ඩොලර් කෝටි සියයක මුදලක් ඩුබායි බැංකුවක තැන්පත් කළ ආකාරය පිළිබඳ හිටපු ජනාධිපතිවරුන් තුන් දෙනෙක්ම දැනුම්වත් බවට වූ සාක්ෂියක් මේ වනවිට සමාජ මාධ්ය තුළ විශාල ලෙස සංසරණය වෙමින් තිබේ.
මෙම හෙළිදරව්ව කරනු ලබන්නේ රනිල් වික්රමසිංහ සහ මෛත්රීපාල සිරිසේන සාක්ෂි කොටගනිමින් චන්ද්රිකා බණ්ඩාරනායක කුමාරතුංග විසිනි.
පසුගිය 16 වැනිදා ශ්රී ලංකා වරලත් ගණකාධිකාරී ආයතනයේ 45 වැනි ජාතික සමුළුවට සහභාගී වුන හිටපු ජනාධිපතිවරුන් තුන් දෙනාගේ සංවාදය අතර චන්ද්රිකා බණ්ඩාරනායක කුමාරතුංග විසින් කරන මෙම හෙළිදරව්ව වලක්වා ගැනීම සඳහා රනිල් වික්රමසිංහ සහ එම අවස්ථාව මෙහෙයවූ පූරක දැඩි උත්සාහයක් ගනු ලැබුව ද ඇය මේ සිද්ධිය අවධාරණයෙන් ප්රකාශ කළාය.
ඇය ප්රකාශ කළේ රාජපක්ෂ පුත්රයෙක් ඩොලර් කෝටි සියයක මුදලක් ඩුබායි ගිනුමක තැන්පත් කළ ආකාරය සම්බන්ධව සියලු දේ සොයා ගත් බවත්, එම බැංකු ප්රකාශන ඇය සිය ඇස් දෙකෙන් දුටු බවත්ය.
එකම දේ මේ වත්කම් අත්පත් කරගැනීම සඳහා සවිමත් නීති සම්පාදනය වී නැති බවය. රනිල් වික්රමසිංහ සහ මෛත්රීපාල සිරිසේන එම නීති සම්පාදනයට අපොහොසත් වීම සම්බන්ධව එම අවස්ථාවේ නිරුත්තර වූවා පමණක් නොව, රනිල් වික්රමසිංහ හිඳ ගත් පුටුවේ ඇඹරෙමින් දැඩි අපහසුතාවයකට පත් වන ආකාරය පෙන්නුම් කළේය.
චන්ද්රිකා කුමාරතුංග රනිල් වික්රමසිංහ දෙසට හැරි සිය කතාව ආරම්භ කළාය.
මට ඔබට එක දෙයක් මතක් කරන්න අවශ්යයයි.
අපි දෙදහස් පහළොවේ දි සැඟවුණු මුදල් සොයා ගත්තා, එක්තරා නායකයෙකුගේ තරුණ පුත්රයෙක්… ඔහු ඩුබායිහි බැංකුවක ඩොලර් මිලියන දහසක් සඟවා ඇති බව අපට පෙනී ගියා.
( නැවතත් රනිල් වික්රමසිංහ දෙසට හැරී) ඔබ එය දන්නවා
ඒ මුදල්අ පිට ආපහු ගේන්න බැරි උනා.
රනිල් වික්රමසිංහ – අපි එතෙන්ට නොගිහින් ඉඳිමු….
චන්ද්රිකා කුමාරතුංග – නමුත් අපි එය සොයා ගත්තා. අපේ CID ගියා එතෙන්ට. ඒක හොයාගත්තා. ලියකියවිලි ලැබුණා. මම මගේ ඇස් දෙකෙන්ම දැක්කා බැංකු ප්රකාශන.
නමුත් අපට ඔවුන්ට එරෙහිව උසාවි චෝදනා කිරීමට හැකි වුනේ නෑ. මොකද අපිට සැබෑ මුල් බැංකු ප්රකාශන අවශ්ය වුනා. නමුත් එම බැංකුව ඒ බැංකු ප්රකාශන සියල්ලම ලබා දීම ප්රතික්ෂේප කළා.
( මෛත්රීපාල සිරිසේන දෙසට අත දිගු කරමින් ) ඔබේ රජයෙන් බොහෝ උත්සාහ කළා, නමුත් සැඟවුණු මුදල් වංචාව සොයා ගත්තත් ඒ මුදල් ආපසු ගන්න බැරි වුනා. එම මුදල් ආපසු ගෙන ඒම ඉතා සංකීර්ණ ක්රියාවලියක් බව අමතක කරන්න එපා..
නමුත් මතක තියා ගන්න… පිලිපීනයේ මාකෝස් පවුලේ සැඟවුණු බිලියන ගණනින් බොහෝ දේ ආපසු ආපහු ගත්තා. චන්ද්රිකා බණ්ඩාරනායක කුමාරතුංග කීවාය.
