දිනසේන රතුගමගේ –
යුද්ධයේ අවසන් කාල වකවානුවේදී කොටි සාමාජිකයින් විශාල පිරිසක් ඔවුන්ට නිකුත් කොට තිබූ ගිනි අවි හා බෝම්බ උතුරු පළාතේ තැන් තැන් වල වළ දමා ඇති බවට වවුනියාවෙන් අත් අඩංගුවට ගත් හිටපු කොටි සාමාජිකයෙකු බවට සැකකරණ පුද්ගලයා ආරක්ෂක අංශ වලට ප්රකාශ කොට තිබේ.
එල්ටීටීඊ සංවිධානයට සම්බන්ධ වී සිට පුනරුත්ථාපනය වූ එල්ටීටීඊ සාමාජිකයෙක් ලෙස හඳුනාගත් තුට්ටුවාකෙයි නෙරියකුලමේ පදිංචි කාරියප්පෙරුමාල් රමේෂ් නම් වූ මෙම සැකකරු කොම්පඤ්ඤවීදියේ සිට මෝටර් රථයකින් පැමිණෙමින් සිටිය දී එම රථයේ මතුවූ කාර්මික දෝෂයක් නිසා ත්රී රෝද රථයකින් කිරිබත්ගොඩට පැමිණ ඇති බව මේ වනවිට අනාවරණය වී ඇත.
ඔහු ඊයේ (22) පොලිස් කණ්ඩායමකට කිරිබත්ගොඩ දී කොටුවන විට ටී.56 ගිනි අවියක් සහ ජීව උණ්ඩ 36 ඔහු සන්තකයේ තිබුණේය.
ඔහුගෙන් කළ ප්රශ්නකිරීම්වලදී ඔහු සමග සමීප සබඳකම් පැවැත්වූ හා ඔහුට ගිනි අවිය ලබාදුන් තැනැත්තා බවට පොලීසිය විසින් තොරතුරු අනාවරණය කරගත් වවුනියාවේ සෙට්ටිකුලම නේරියකුලම ප්රදේශයේ පුද්ගලයෙකු අත් අඩංගුවට ගන්නේ ඉන් අනතුරුවය. ඔහු මන්නාරම පාර නේරියකුලම පදිංචි 22 හැවිරිදි ඇන්ටන් සුරෙන්ද්රන් නොහොත් වේලා නැමැති පුද්ගලයෙකි.
ඔහුගේ නිවස පරීක්ෂා කිරීමේදී අත් බෝම්බ 86 ක් හා ටි 56 උණ්ඩ 321ක් හමු සහ මත් කරල් 5600ක් සහ අයිස් මත්ද්රව්ය ග්රෑම් 10ක් සොයා ගනු ලැබුවේය.
ඔහුගෙන් ලද තොරතුරු වලට අනුව හෙළි වී ඇත්තේ යුද්ධයේ අවසන් කාලයේදී කොටි සාමාජිකයින් විශාල පිරිසක් ඔවුන් සතුව තිබූ ගිනි අවි හා බෝම්බ වළ දමා ඉතා සුරක්ෂිතව උතුරේ බොහෝ ස්ථාන වල ඇති බවය.
මෙම ගිනි අවි හා බෝම්බ කුළියට ලබා දීමත් තවත් පිරිස් කුළී අපරාධකරුවන් ලෙස එම අවි ආයුධ උපයෝගී කරගෙන කටයුතු කිරීමත් සිදුකරන බව නේරියකුලමේදී අත් අඩංගුවට පත් වූ වේලා නැමැත්තා පවසා තිබේ.
මේ වනවිට මෙම පුද්ගලයින්ට අදාලව මුදල් විශුද්ධිකරණය පිළිබඳ නඩුවක් ගොනුකර තිබේ. මෙම පුද්ගලයින්ගේ ගිනුම් පරීක්ෂා කිරීමේ දී වේලාගේ ගිනුමට විටින් විට විශාල මුදල් ප්රමාණයක් වැටී ඇති බවත් අප්රේල් මාසයේ මෙම සැකකරුගේ ගිනුමට විටින්විට රුපියල් ලක්ෂ 16ක පමණ ලැබී ඇති බවත් විමර්ශන අංශ හෙළි කරගෙන ඇත.
විමර්ශන අංශ පවසන්නේ වේලා නැමැති පුද්ගලයා වෙත මීට මාස දෙකකට පමණ පෙර අත් බෝම්බ සහිත බෑගයක් තවත් පුද්ගලයෙක් ඔහුට ලබා දී ඇති බවය. මේ තැන්තා හඳුනාගෙන ඇති බවත් ඔහු නෙරියකුලම ගාන්ධ නරගර්හි පදිංචි කරුවෙක් බවත් අනාවරණය වී ඇත.
ඔහු මුහුදු මාර්ගයෙන් විදෙස්ගතවීමට වැඩි ඉඩක් ඇති බැවින් මේ වනවිට නාවික හමුදාව සහ එක්ව විමර්ශන අංශ පරීක්ෂා කිරීම් ආරම්භ කර තිබේ.
මෙම සිදුවීමට ආධාර අනුබල දුන් තවත් සැකකරුවෙක් මේ වනවිට අත් අඩංගුවට ගෙන ගෙන තිබේ. ඔහු නෙරියකුලමේ පදිංචි 26 හැවිරිදි පුද්ගලයෙක්.
