එක්සත් ජාතීන්ගේ මානව හිමිකම් කවුන්සිලයේ දී ශ්රී ලංකාවට එරෙහි යෝජනාවක් සම්බන්ධයෙන් ඡන්ද විමසීමට දිනකට පෙර ජනාධිපති ගෝඨාභය රාජපක්ෂ සහ අගමැති මහින්ද රාජපක්ෂ ලෝක මුස්ලිම් නායකයින්ට දුරකථන ඇමතුම් ලබා දී තිබේ.
ඉස්ලාමීය සහයෝගීතා සංවිධානයේ (OIC) මහලේකම් ආචාර්ය යූසෙෆ් ඒ. අල්-ඔතයිමීන් මහතාට ඊයේ (ඉරිදා) ජනාධිපති ගෝඨාභය රාජපක්ෂ මහතාගෙන් දුරකථන ඇමතුමක් ලැබී ඇති අතර, ඔහු සමඟ එම සංවිධානය සහ ශ්රී ලංකාව අතර පවත්නා සබඳතා පිළිබඳව සාකච්ඡා කර ඇත.
එහිදී මෙරට මුස්ලිම් ප්රජාවේ තත්වය පිළිබඳව ද සාකච්ඡා කළ බව මහලේකම් නිවේදනයක් නිකුත් කරමින් කියා සිටියේය. අල්-ඔතයිමීන් ශ්රී ලංකා ජනාධිපතිවරයාගේ දුරකථන ඇමතුම සහ ජාත්යන්තර සංවිධාන වෙත එළඹීමට ඇති කැමැත්ත අගය කළ අතර ඉස්ලාමීය චාරිත්රවලට අනුකූලව මියගිය අය භූමදාන කිරීමට මුස්ලිම්වරුන්ට ඇති අයිතිය සම්බන්ධයෙන් ශ්රී ලංකා රජය ගත් තීරණය ප්රශංසා කළේය.
තම සංවිධානයට අයත් නොවන සාමාජික රටවල මුස්ලිම් ප්රජාවගේ අයිතිවාසිකම් ආරක්ෂා කිරීමට මහලේකම්වරයා OIC හි උනන්දුව පිළිබඳව ද මෙහිදී පෙන්වා දී තිබේ.
මේ අතර අගමැති මහින්ද රාජපක්ෂ මහතා ඊයේ බහරේනයේ නියෝජ්ය රජ කුමරු සල්මාන් බින් හමාඩ් අල් කලීෆාට දුරකථන ඇමතුමක් ලබා දි ඇත.
එහිදී දෙපාර්ශවයේ තවදුරටත් ශක්තිමත් කළ හැකි ද්විපාර්ශ්වික සබඳතා සහ සහයෝගීතාවයේ අනෙකුත් අංශ සමාලෝචනය කළ බව අග්රාමාත්යවරයා කීය.
රාජපක්ෂ මහතා කියා සිටියේ තමා ජනාධිපති ධුරයේ සිටි කාලයේ සිටම ශ්රී ලංකාවේ සාමය හා ස්ථාවරත්වය පවත්වා ගැනීම සඳහා සල්මාන් බින් හමාඩ් අල් කලීෆා දැරූ උත්සාහය සිහිපත් කර මෙහිදී
අගය කළ බවයි.
OIC සංවිධානය යනු එක්සත් ජාතීන්ගේ මානව හිමිකම් කවුන්සිලයේ කොටසක් වන මුස්ලිම් රටවල් ගණනාවකින් සමන්විත ලොව විශාලතම මුස්ලිම් සංවිධානයයි. බහරේනය එක්සත් ජාතීන්ගේ මානව හිමිකම් කවුන්සිලයේ සාමාජිකයෙකි.
