ජනාධිපති රනිල් වික්රමසිංහ මහතාගේ නීතීඥ වෘත්තියට අඩ සියවසක් පිරීම නිමිත්තෙන් පසුගියදා කොළඹ දී පැවැති සැමරුම් උත්සවයේදි සිය නීතී සගයන් විසින් රුපියල් ලක්ෂ ගණනක් වටිනා මොන්ට් බ්ලැන්ක් වර්ගයේ පෑනක් සමරු තිළිණයක් ලෙස ලබා දී ඇත. RW ලෙස අකුරු කොටා ඇති මෙම පෑන ජනාධිපතිවරයාගේ සමීප සගයකු වන රක්ෂණ සංස්ථාවේ සභාපතිවරයා වන රොනල්ඩ් පෙරේරා මහතා විසින් සියලු නීතීඥවරුන් වෙනුවෙන් පිරිනමන ලදී.ජනාධිපති වවරයා මෙම පෑන ලබා ගනමිනි කාටත් ඇසෙන සේ සිනහ වෙමින් පවසා ඇත්තේ මට දැන් රැඳවුම් නියෝග අත්සන් කිරීමට කදිම පෑනක් තිබෙනවා “ යනුවෙනි.
මෙම උත්සවය සඳහා ජනාධිපති වික්රමසිංහ ගේ සමකාලීනයන් ඇතුළු නීතිවේදීන් රැසක් සහභාගීව සිටි අතර එහි ප්රධාන දේශනය ජනාධිපති නීතීඥ රොමේෂ් ද සිල්වා විසින් සිදු කරන ලද අතර ජනාධිපති නීතීඥවරුන් වන රොනල්ඩ් පෙරේරා තිලක් මාරපන සහ ෆයිසර් මුස්තාපා යන මහත්වරුද එහිදී කතා කළහ.
මොන්ට් බ්ලැන්ක් (Mont Blanc) වෙබ් අඩවියට අනුව මෙලෙස විශේෂිතව නිමවා ගත හැකි ෆවුන්ටන් වර්ගයේ පෑනක අඩුම මිල ඇමෙරිකානු ඩොලර් 380කි. එතැන් සිට ඉතා ඉහළ මිල ගණන්වලට පෑන් අලෙවි වෙයි. ජනාධිපතිවරයාට ලබා දුන් පෑනෙහි මිල පිළිබඳව අපට අනාවරණය වන්නේ නැත.
