කටුගස්තොට ඉන්ධන පිරවුම් හළක් අසළ ව්යාජ තෙල් පෝලිමක් නිර්මාණය කර ස්වාධීන ජනාධිපති අපේක්ෂක රනිල් වික්රමසිංහට වාසිසහගත ලෙස මැතිවරණ ප්රචාරක දැන්වීමක් රූපගත කිරීමට උත්සහ කළ පිරිසක් මහනුවර මැතිවරණ කාර්යාලයේ සහ කටුගස්තොට පොලීසියේ නිලධාරීන් පිරිසක් එක්ව ඊයේ (05) දහවල් විසුරුවා හැර තිබේ.
ත්රිරෝද රථ රියදුරන් පිරිසකට මුදල් දී ඉන්ධන පිරවුම් හල අසළ ත්රිරෝද රථ පෝලිමක් නිර්මාණය කර ඔවුන් ගේ ප්රකාශ වීඩියෝ ගත කරමින් සිටිය දී මැතිවරණ කාර්යාලයට ලැබුණු තොරතුරක් මත මැතිවරණ කාර්යාලයේ නිලධාරීන් පිරිසක් එහි ගොස් ඇත.
මෙම පිරිස මෙහෙයවමින් සිටි පුද්ගලයාගෙන් කළ විමසීමක දී ඔහු පවසා ඇත්තේ මැතිවරණ දැන්වීමක් සඳහා තෙල් පෝලිමක් නිර්මාණය කර රූපගත කිරීම් කරන බවයි.
පෝලිමේ රැඳී සිටීම සඳහා පුද්ගලයින් 40 දෙනෙකු පමණ මුදල් ගෙවා මහනුවර අවටින් අදාළ ස්ථානයට ගෙනවිත් තිබෙන බව දැන ගන්නට ඇත.
මෙම ව්යාජ තෙල් පෝලිම නිර්මාණය කළ පුද්ගලයා පොලීසිය රැගෙන ගොස් ප්රකාශයක් සටහන් කර ගැනීමෙන් පසු මුදාහැර තිබේ.
රට නැවත පෝලිම් යුගයකට යවන්නේ ද යන්න සම්බන්ධයෙන් මෙම දැන්වීම සකස් කරන්නට එක්සත් ජාතික පක්සයේ සහය ලැබී තිබෙන බව ද දැන ගන්නට ඇත.
