ශ්රියානි විජේසිංහ –
රජයේ වෛද්ය නිලධාරීන්ගේ සංගමය සහ ජනාධිපතිවරයා අතර අද ජනාධිපති ලේකම් කාර්යාලයේදී පැවති සාකච්ඡා බොහෝ දුරට සාර්ථක වූ නමුත් එය ක්රියාවෙන් ඔප්පුවන තෙක් සංගමය බලා සිටින බව එම සංගමය පවසයි.
ජනාධිපති, මුදල් අමාත්යංශයේ ලේකම්, ආර්ථික උපදේශකවරු, සෞඛ්ය ඇමතිවරයා, හිටපු අමාත්ය රවී කරුණානායක ඇතුලු පිරිසක් සාකච්ඡාවට සහභාගි වූ බව සංගමයේ ලේකම් වෛද්ය හරිත අලුත්ගේ සදහන් කරයි.
මෙහිදී වෛද්යවරුන් රට හැරයාම, ඖෂධ ප්රසම්පාදනයේදී සිදුවන වංචාව, නාස්තිය, රටට අහිමිවන මුදල් හා ඒ මුදල් රටට ඉතිරිකර ගන්නා ආකාරය , පර්යන්තයේ වැසී යන රෝහල් හා වැසී යාමට නියමිත විශේෂඥ ඒකක සම්බන්ධයෙන් දීර්ඝ ලෙස සාකච්ඡා කළ බවද හෙතෙමෙ පැවසුවේය.
මෙම සාකච්ඡාවේදී ඇතැම් ප්රශ්නයන්ට ධනාත්මක ප්රතිචාරයන් ලැබුණු අතර ඇතැම් ඒවා තවදුරටත් සාකච්ඡා කර පිළිතුරක් ලබා දිමට බලාපොරොත්තු වන බවද මෙහිදී තීරණය විය.
වෛද්යවරුන් ඇතුලු සෞඛ්ය ක්ෂේත්රයට බලපා ඇති ගැටලු සම්බන්ධයෙන් විසදුම් ලබා දිය හැකි අවසාන අවස්ථාව මෙය බවත් එම අවස්ථාව යම් හෙයකින් ගිලිහී ගියහොත් සෞඛ්ය පද්ධතියට සිදුවන හානියට තම සාමාජිකත්වය වග නොකියන බවත් වෛද්ය අලුත්ගේ පැවසුවේය.
