ජනාධිපති රනිල් වික්රමසිංහ ඉන්දියාවේ දෙදින නිල සංචාරයක් සඳහා අද (20) පස්වරුවේ දිවයිනෙන් පිටත්ව යාමට පෙර තමන් දිවයිනෙන් බැහැරව සිටින කාලසීමාව තුළ ජනාධිපතිවරයා යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා තිබේ.
ඒ අනුව ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් වැඩබලන ආරක්ෂක අමාත්යවරයා ලෙසද, මුදල් රාජ්ය අමාත්ය ශෙහාන් සේමසිංහ වැඩබලන මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා ලෙසද, ආයෝජන ප්රවර්ධන රාජ්ය අමාත්ය දිලුම් අමුණුගම වැඩබලන ආයෝජන ප්රවර්ධන අමාත්යවරයා ලෙසද, තාක්ෂණ රාජ්ය අමාත්ය කනක හේරත් වැඩබලන තාක්ෂණ අමාත්යවරයා ලෙස ද සමාජ සවිබල ගැන්වීම් රාජ්ය අමාත්ය අනුප පැස්කුවල් වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙසද පත් කර ඇත.
