කොවිඩ් සමයේ සෞඛ්ය අංශ මගින් පනවා තිබූ නිරෝධායන නීති කඩ කළ පුද්ගලයින් අත්අඩංගුවට ගැනීමෙන් පසු අධිකරණයට ඉදිරිපත් කිරීමට රැගෙන යන අවස්ථාවේ යම් ගනුදෙනු එකඟතා මත එම පුද්ගලයින් අතරමගදී මුදාහැර ඒ සම්බන්ධයෙන් රාජකාරි ලේඛණ හා තොරතුරු පොත් වල අසත්ය සටහන් යෙදූ පොත්තපිටිය පොලීසියේ අධිකරණ කටයුතු භාරව සිටි සැරයන්වරයා මහනුවර පොලිසියේ විශේෂ අපරාධ විමර්ශන ඒකකයේ නිලධාරීන් විසින් ඊයේ (19) සැකපිට අත්අඩංගුවට ගනු ලැබ තිබේ.
රාජකාරි ලේඛණ හා තොරතුරු පොත් වල අසත්ය සටහන් යොදා කුඨ ලේඛණ සකස් කිරීමේ චෝදනාව මත මෙසේ සැකපිට අත්අඩංගුවට ගෙන ඇත්තේ පොත්තපිටිය පොලීසියේ උසාවි රාජකාරි කරන ඩී.වී.කේ වෙත්තසිංහ නැමැති සැරයන්වරයෙකි.
පොලිස් සැරයන් වරයාගේ ක්රියා කලාපය සම්බන්ධයෙන් සැකසිතී අධිකරණ වාර්තා ඇතුළත් පොත්පත් පරීක්ෂණය කිරීමේ දී ඇති වූ සැකය මත පොත්තපිටිය පොලීසිය මගින් ඒ සම්බන්ධව මහනුවර පොලීසියේ විශේෂ අපරාධ විමර්ශන ඒකකයට දැනුම් දී තිබිණි.
අත්අඩංගුවට ගත් නිලධාරියා මහනුවර මහේස්ත්රාත් අධිකරණයට ඊයේ (19) ඉදිරිපත් කිරීමෙන් පසු රුපියල් ලක්ෂ 10 බැගින් වූ ශරීර ඇප දෙකක් මත මුදාහැර ඇත.
නොවැම්බර් මස 15 දින යළි ඔහුට අධිකරණයේ පෙනී සිටින ලෙස යා නියෝග කර තිබේ.
මහනුවර විශේෂ අපරාධ විමර්ශන ඒකකය වැඩිදුර පරීක්ෂණ පවත්වයි.
