බිලියන 04කට අධික වත්කම් සහිත අනුර කුමාර දිසානායක එම මුදල් ග්රීසියේ නැවු සමාගමක ආයෝජනය කර ඇති බවට ප්රකාශයක් කළ ජාතික ලොතරැයි මණ්ඩලයේ හිටපු ක්රියාකාරී අධ්යක්ෂවරයෙක් මෙන්ම හිටපු ජනාධිපති මහජන සම්බන්ධතා අධ්යක්ෂ ජනරාල්වරයා ලෙස කටයුතු කළ තුසිත හල්ලොලුවට හෙට (07) උදෑසන 10ට අපරාධ පරීක්ෂණ දෙපාර්තමේන්තුව ඉදිරියේ පෙනී සිටින ලෙස දන්වා තිබේ.
පහත දැක්වෙන්නේ තුසිත හල්ලොලුව කළ ප්රකාශය ය.
ජනාධිපති අනුර කුමාර දිසානායක සම්බන්ධයෙන් තුසිත හල්ලොලුව නැමැති පුද්ගලයෙකු විසින් සමාජ මාධ්ය ඔස්සේ සාවද්ය ප්රකාශයක් සිදුකර ඇති බවට අපරාධ පරීක්ෂණ දෙපාර්තමේන්තුව වෙත ලැබී ඇති පැමිණිල්ලක් අනුව ආරම්භ කර ඇති විමර්ශනයට අදාලව මෙම දැන්වීම නිකුත් කර ඇත.
තුසිත හල්ලොලුව නැමැති මෙම පුද්ගලයාගේ ප්රකාශය මඟින් මහජන සාමයට හා ජාතික ආරක්ෂාවට ගැටලු උද්ගත වී ඇති බැවින් එම ප්රකාශයේ අඩංගු කරුණු සම්බන්ධ මූලාශ්ර අනාවරණය කර ගැනීම සඳහා, අපරාධ නඩු විධාන සංග්රහයේ 109(6) වගන්තිය ප්රකාරව වූ දැන්වීමක් යොමු කරමින් මාධ්ය ඔස්සේ එම ප්රකාශය කරන ලද තුසිත හල්ඔළුව යන අයට හෙට (07) උදෑසන 10.00 ට අපරාධ පරීක්ෂණ දෙපාර්තමේන්තුවේ පෙනී සිටින ලෙසට දන්වා ඇතැයි එම දෙපාර්තමේන්තුව පවසයි.
ජනාධිපති අනුර කුමාර දිසානායක සම්බන්ධයෙන් එල්ල කරන ලද අවමන්සහගත සහ අසත්ය ප්රකාශයක් සම්බන්ධව ජනාධිපතිවරයාගේ උපදෙස් මත ඔහුගේ නීතිඥ අකලංක උක්වත්ත පසුගිය 04 වනදා අපරාධ පරීක්ෂණ දෙපාර්තමේන්තුව වෙත පැමිණිල්ලක් ගොනු කර තිබිණි.
