ඇමරිකා එක්සත් ජනපදය විසින් චීනය වෙත මයික්රෝ චිප් සහ සුපිර් පරිගණික අපනයනය කිරීමට දැඩි සීමා පැනවීමට සැලසුම් කරනු ලැබ ඇති බවට වාර්තවේ.
බයිඩන් පරිපාලනය විසින් පැනවීමට නියමිත මෙම නව සීමා කිරිම් මගින් චීනයට දැඩි බලපෑමක් එල්ල විය හැකි බවට ජාත්යණ්තර විශ්ලේෂකයින් පෙන්වා දෙයි. ඒ අනුව මෙම සීමා කිරීම් චීනයේ චිප් නිෂ්පාදනයට සහ චීනයේ මිලිටරි සංවර්ධනයට තීරනාත්මක වන අතරම සුපිරි පරිගණක නිෂ්පාදනයටද බලපානු ඇත.
න්යෂ්ටික අවි, සංකේතාංකන තාක්ෂණය, මිසයිල ආරක්ෂණ සහ වෙනත් පද්ධති සංවර්ධනය කිරීම සඳහා සුපිරි පරිගණක අත්යාවශ්ය සාධකයක් වේ. ඒ අනුව මෙම සීමා කිරීම් චීනයේ මිලිටරි තාක්ෂණ සංවර්ධනය වීම සීමා කිරීමට එක්සත් ජනපද රජය දරන වැදගත්ම උත්සාහය විය හැකි බවදට පෙන්වා දිය හැකිය.
මේ අතර වොෂින්ටන් පෝස්ට් සහ නිව් යෝර්ක් ටයිම්ස් වාර්තා කළේ, මෙම සතිය මුලදී ප්රකාශයට පත් කෙරෙන නීති රීති, මීට පෙර චීන තාක්ෂණික දැවැන්තයෙකු වන හුවාවේ වෙත පනවා තිබූ දැඩි අපනයන පාලනයන්ට වඩා පුළුල් ලෙස පහර දෙනු ඇති බවයි.
වොෂින්ටන් පෝස්ට්, මේ සම්බන්ධයෙන් අදාල නීති රීති පැනවීම සම්බන්ධයෙන් දැණුම්වත් භාවයක් ඇති පුද්ගලයින් උපුටා දක්වමින් කියා සිටියේ, විදේශ සෘජු නිෂ්පාදන නීති භාවිතා කිරීමින් මයික්රෝචිප්ස් සෑදීම සඳහා එක්සත් ජනපද තාක්ෂණය යෙදා ගන්නා කිසිඳු සමාගමකට නිශ්චිත උසස් පරිගණක සඳහා යොදා ගන්නා මයික්රෝ චිප් චීන ගැනුම්කරුවන්ට විකිණීම වලක්වනු ඇති බවයි.
