පසුගිය දා ඇමරිකාවේ ඌටා නිම්න විශ්වවිද්යාලයේ පැවති දේශනයක් අතර වෙඩි තබා ඝාතනය කළ, ට්රම්ප්ගේ තරුණ ඡන්දවල කේන්ද්රීය පුද්ගලයා ලෙස සැලකෙන චාලි කර්ක් ඝාතන සැකකරු වූ 22 හැවිරිදි උසස්විද්යාල ශිෂ්ය ටයිලර් රොබින්සන් එම ඝාතනය පිළිබඳව කෙරෙන පළමු නඩු විභාගය සඳහා මාර්ගගත ක්රමය ඔස්සේ ඊයේ (17) අධිකරණය වෙත ඉදිරිපත් කළේය. ඔහු අත් අඩංගුවට ගත් පසු අධිකරණය හමුවේ පෙනී සිටි ප්රථම අවස්ථාව මෙයය.
ඝාතන සැකකාර ටයිලර් මාර්ගගත ක්රමය ඔස්සේ අධිකරණයට ඉදිරිපත් කරන්නේ ඔහු විසින් සිය දිවි නසා ගැනීම වැලැක්වීම සඳහා ආරක්ෂිත කබායක් ද පැළඳවීමෙන් අනතුරුවය. ටයිලර් වඩාත් පැහැදිලිව දැක ගැනීම සඳහා ඔහුව කැමරාව ඉදිරියට ගෙනැවිත් තිබුණේ සුදු පසුබිම් තලයක ය .
ටයිලර් රොබින්සන් අධිකරණයට ඉදිරිපත් වී තිබුණේ නීතිඥ සහායකින් තොරව. ඒ හේතුවෙන් ඔහු වෙනුවෙන් නීතිඥයෙක් පත් කිරීමට නඩුව විභාග කරන ඌටා අධිකරණය කටයුතු කළේය.
ඔහුට මිනීමැරුමක් සිදුකිරීම, බරපතල ශාරීරික තුවාල සිදු කරමින් ගිනි අවියක් භාවිතා කිරීම, යුක්තියට බාධා කිරීමේ චෝදනා දෙකක්, සාක්ෂිකරුවන්ට හානි කිරීමේ චෝදනා දෙකක් සහ දරුවන් ඉදිරියේ ප්රචණ්ඩකාරී වරදක් සිදු කිරීම ඇතුළු චෝදනා හතක් නඩු පවරන්නන් විසින් ගොනු කර තිබිණි. මෙම චෝදනා නඩුවේ අවසන් තීන්දුව පිළිබඳ බලපාන ප්රබල සාක්ෂි සහිතවන ආකරය “ විනිසුරු ටෝනි ග්රාෆ් විස්තර කළේය.
රොබින්සන් නඩු විභාගය අතරතුර කතා නොකළ අතර විනිසුරුවරයා දිගු චෝදනා ලැයිස්තුව කියවන විට කිසිදු ප්රකාශිත හැඟීමක් ප්රදර්ශනය නොකළ බව විදෙස් මාධ්ය වාර්තා කර තිබිණි..
ඌටා ප්රාන්තයේ මිනීමැරුමක් සඳහා ලබා දෙන ඉහළම දඬුවම මරණීය දණ්ඩනය බවත්. ටයිලර් රොබින්සන්ට මරණීය දණ්ඩනය ඉල්ලා ලේඛනයක් ද ගොනු කරන බවත් ඌටා ප්රනාත්යේ අභිචෝදකයෙක් වූ නීතිඥ ජෙෆ් ග්රේ මාධ්යයට පවසා තිබිණි.
“අපි මරණ දඬුවම ඉල්ලා සිටින නිසා, විත්තිකරු ඇප නොමැතිව උටා ප්රාන්ත බන්ධනාගාරයේ දිගටම රඳවා තබනු ඇත,” ග්රේ තවදුරටත් පැවසීයෙ
කෙටි නඩු විභාගය අතරතුර, විනිසුරු ටෝන් ග්රාෆ්, චාලි කර්ක්ගේ වැන්දඹුව වන එරිකා කර්ක් සඳහා “ආරක්ෂිත නියෝගයක්” ද අනුමත කළේය.
සිරගතව සිටින රොබින්සන්ට කිසිදු ආකාරයකින් කර්ක් සම්බන්ධ කර ගැනීම මෙම නියෝගයෙන් තහනම් කර ඇත.
එරිකා කර්ක් පසුගිය සතියේ ඇගේ පළමු ප්රසිද්ධ ප්රකාශය කළේ ඇගේ සැමියාගේ මෙහෙවර දිගටම කරගෙන යාමට පොරොන්දු වෙමිනි.
“ඔබ මේ බිරිඳ තුළ ඇති කළ ගින්න ඔබ දන්නේ නැහැ, මේ වැන්දඹුවගේ කෑගැසීම් ලොව පුරා සටන් කෑගැසීමක් මෙන් දෝංකාර දෙනු ඇත.” ඇය කීවාය.
විනිසුරු ටෝනි ග්රාෆ් රොබින්සන්ට ඊළඟ නඩු විභාගය සැප්තැම්බර් 29 වන දින දේශීය වේලාවෙන් පෙ.ව. 10 ට පැවැත්වෙන බව පැවසීමෙන් පසු කෙටි නඩු විභාගය කල් දැමිනි.
