ගාල්ල – ලලිත් චාමින්ද –
ගාල්ල මහ නගර සභාවේ අයවැය වැඩි ඡන්ද හයකින් සම්මත කර ගැනීමට හැකි වූ බව ගාල්ල නගරාධිපති සුනිල් ගමගේ ප්රකාශ කළේය
ඉකුත් සතියේදී ගාල්ල මහ නගර සභාවට පාලක පක්ෂය මගින් ගෙන එනු ලැබූ අයවැය පරාජය වීමෙන් පසුව එය දෙවන වර කියවීම සඳහා අද පස්වරු දෙකට ගාල්ල මහ නගර සභාව නගරාධිපතිවරයාගේ ප්රධානත්වයෙන් රැස්වුණේය.
සභාව ආරම්භයේම නගරාධිපතිවරයා අයවැය ඡන්ද විමසීම නිවේදනය කරනු ලැබූ අතර ඒ අනුව සභා ලේකම්වරිය ඇතුළු නිලධාරීන් මන්ත්රීවරුන්ගෙන් වෙන් වෙන්ව නම් අඬ ගසමින් ඡන්ද විමසීම සිදු කරනු ලැබුවේය.
කෙසේ වෙතත් නගරාධිපතිවරයා ඡන්ද ප්රතිඵල ප්රකාශය කිරීමත් සමගම විපක්ෂයේ මන්ත්රීවරු එම ප්රතිඵල පිළිගත නොහැකි බව පවසමින් විරෝධතා ඉදිරිපත් කරනු ලැබූහ. නගරාධිපතිවරයා සභාව කල් තබා සභා ගැබින් ඉවත්ව ගිය අතර සභා ලේකම්වරියට සභා ගැබින් පිටතට යා නොදී විපක්ෂයේ මන්ත්රීවරුන් විසින් බලහත්කාරයෙන් රඳවා ගැනු ලැබුවේය.
කෙසේ වෙතත් විපක්ෂයේ මන්ත්රීවරුන් සභා ලේකම් වරිය ද රඳවා ගනිමින් යළිත් වරක් සභාවක් කැඳවුයේය. විපක්ෂ මන්ත්රීවරයෙක් නගරාධිපති අසුනේ ඉඳ ගෙන සිටියේය පක්ෂ මන්ත්රී මන්ත්රි ජිලිත් නශාන්තය. අනතුරුව ඔවුහු නැවතත් ඡන්ද විමසීමක් සිදුකළහ. . එහිදී විපක්ෂව ඡන්ද 17 ලැබුණු අතර සභිකයින් 19 දෙනෙකු සභාවේ සිටියේ නැත. මෙම අවස්ථාව වන විට පාලක පක්ෂය වන ජාතික ජන බලවේගයේ සභා ගැබෙන් පිටව ගොස් සිටියේය.
මේ සමගම පොලිසිය ද සභා ගැබට පැමිණි අතර සභාවේ උණුසුම් තත්ත්වයක් ද නිර්මාණය විය.
අනතුරුව ඡන්ද විමසීම අවසානයේ බලහත්කාරයෙන් රඳවාගෙන සිටි ලේකම්වරියගෙන් ලේඛනයකට අත්සන් ලබාගන්නට විපකෂ මන්ත්රීවරු කටයුතු කළහ. එම ලේඛනය පසුව මේ මන්ත්රී කණ්ඩායම විසින් නාගරික කොමසාරිස්වරිය වෙත ගෙන ගොස් දී තිබිණි.
කෙසේ වෙතත් නගරාධිපතිවරයා සඳහන් කර සිටියේ සභාවේ අයවැය සම්මත වීමෙන් අනතුරුව තමන් සභාව කල්තබා පිටව ආ බවයි.
