දිනසේන රතුගමගේ –
යාපනයේ තරුණ තරුණියන් විසින් සංවිධානය කළ ජාතික නිදහස් සමරු දින උළෙලක් යාපනය කොටුව අසලින් ආරම්භ වුණි.
මෙම අවස්ථාවට සහභාගී වූ පිරිස ජාතික ධජ රැගෙන එක්සත්ව හා එක්සිත්ව ඔල්වරසන් දෙමින් යාපනය නගරයේ වීථි සංචාරය කරමින් මෙවර නිදහස් දිනය සමරණු ලැබූහ.
යාපනයේ නිල නිදහස් උළෙල යාපනය ප්රාදේශීය ලේකම් කාර්යාල පරිශ්රයේ දී පැවැත්විනි. එය ගාම්භීර මෙන්ම චාම් උත්සවයක් විය.
මේ අතර කිළිනොච්චියේ දී නිදහස් දිනය ශෝක දිනයක් ලෙස නම් කරමින් ස්වේච්ඡා සංවිධාන කීපයක් හා දේශපාලන කණ්ඩායම් කීපයක් එක්ව කළු කොඩි එසවූහ. කළු කොඩි සහ විරෝධතා පුවරු දරමින් පෙළපාළි ගියහ.
යුද අනාථයින් යළි පදිංචි නොකිරීම, අතුරුදහන් වූ පිරිස වෙනුවෙන් සාධාරණයක් ඉටු නොකිරීම, ඉඩම් අහිමිවීම, දෙමළ දේශපාල සිරකරුවන් නිදහස් නොකිරීම, වැනි කාරණා මත දෙමළ වැසියන්ට රටේ නිදහසක් නැති බව ඔවුහු පැවසූහ.
මේ ලිපියත් කියවන්න….
නිදහස් දිනය ජාතික ශෝක දිනයක් කර කිළිනොච්චියේ කළු කොඩි එසවෙයි!
