බේරුවල ප්රදේශයේ නිවෙස්වලට ගොස් රුපියල් 5000 බැගින් ලබාදෙමින් නිල ඡන්ද පත්රිකා ලබා ගැනීමට උත්සහ කළ පුද්ගලයින් දෙදෙනෙක් ප්ර දේශවාසීන් විසින් අල්ලා පොලීසියට ඊයේ (03) රාත්රීයේ භාරදුන් අතර තවත් දෙදෙනකු පළා ගොස් තිබේ.
පළාගොස් ඇති දෙදෙනා අතර රාජ්ය ඹෟෂධ සංස්ථාවේ හිටපු සභාපතිවරයකු සහ හිටපු ඇමතිවරයෙකුගේ සම්බන්ධිකරණ ලේකම්වරයකු සිටින බව හදුනා ගෙන ඇතැයි බේරුවල පොලීසිය සදහන් කරයි.
එම පුද්ගලයින් පළාගොස් ඇත්තේ ඔවුන් පැමිණි මෝටර් රථයද මහ මග දමාය. එම මෝටර් රථය පරීක්ෂා කිරීමේදී එහි තිබී සමගි ජනබල වේගයේ කළුතර දිස්ත්රික් අපේක්ෂකයින් වන රාජිත සේනාරත්න සහ මොහොමඩ් ජෙමිල් මරික්කාර මොහොමඩ් ඉෆ්තිකාර් යන අයගේ ඡන්ද ප්රචාරක දැන්වීම් ගොන්නක්ද තිබුණු බව පොලීසිය සදහන් කළේය.
පළාගිය දෙදෙනා හදුනාගෙන ඇති බැවින් ඒ අය අත්අඩංගුවට ගැනීමට පියවර ගන්නා බව ඒ සම්බන්ධයෙන් කළ විමසුමකදී කළුතර කොට්ඨාශය භාර ජ්යෙෂ්ඨ පොලිස් අධිකාරී කපිල ප්රේමදාස මහතා පැවසුවේය.
මුදල් බෙදා ඡන්ද කාඩ්පත් එකතු කිරීම් සම්බන්ධයෙන් පොලීසියට තොරතුරු ලැබෙන්නේ මහජනතාවගෙන් බවද ඔහු වැඩිදුරටත් සදහන් කළේය.
