චීන කොමියුනිස්ට් පක්ෂය විසින් එරට තරුණ පරපුරට සුදුසු සහකරු සොයාදීමේ විශේෂ වැඩසටනහක් ආරම්භ කර තිබේ.
ඒ අනුව මේවන විට එරට විවාහ වීමට සුදුස වයස් වල සිටින තරුණ පිරිස් සඳහා සහකරුවකු හෝ සහකාරියක සොයා ගැනීමට පහසු කරලීමට විශේෂ වැඩසටහන් මාලාවක් චීන පාලක පක්ෂ්ය විසින් සංවිධානය කර තිබේ.
මෙම වැඩසටහන් යටතේ තරුණ පිරිස් ඒකරාශී කරගනිමින් විවිධ සමාජ ක්රියාකාරකම් ආරම්භ කර ඇති අතර එහිදී ඔවුන්ට සිය සහකරු හෝ සහකාරිය සොයා ගැනීමට අවස්ථාව හිමිවන පරිදි එම වැඩසටහන් නීර්මාණය කිරීමටද ඔවුන් පියවරගෙන ඇත.
ලොව දෙවැනියට විශාලතම ආර්ථිකය වන චීනය මේවන විට සිය ශ්රම බලකාය හීන වීමේ විශාල අභියෝගයකට මුහුණ දෙමින් සිටින අතර එරට වයස් ගත ජනගහනයද සීඝ්රයෙන් ඉහළ යමින් සිටින බවට එරට සංඛ්යා ලේඛණ අනාවරණය කරයි.
චීනයේ තරුණ පරපුර විවාහවීමේ විශාල අඩුවිමක් පසුගිය සමයේ පෙන්නුම් කරනු ලබන අතර එරට ජාතික සංඛ්යාලේඛණ කාර්යාංශය පෙන්වා දෙන ආකාරයට 2020 වර්ෂයේදී විවාහ වීම් අසූ එක් ලක්ෂයක් වාර්තා වී ඇත.
එහෙත් 2013 වර්ෂය තුලදී විවාහ වීම් එක්කෝටි තිස් හතර ලක්ෂයක් වාර්තා වී ඇති අතර ඒ අනුව 2020 වර්ෂයේදී චීනයේ විවාහ වීම් සීඝ්රයෙන් පහළ ගොස් ඇති බවද එරට රජය පෙන්වා දෙයි.
මෙම තත්ත්වයත් සමඟම චීනයේ උපත් අනුපාතයද සීඝ්රයෙන් පහළගොස් ඇති අතර එරට සෑම පුද්ගලයින් දහසකට නව උපත් 7.52ක් වැනි අවම අගයක පැවතීම ඉදිරි ආර්ථික කටයුතු වලට දැඩි අවදානමක් එල්ල කරන බව විශේසඥයින් පෙන්වා දෙයි.
මෙලෙස චීනයේ දරු උපත් සංඛ්යාව පහළ බැසීමට මීට පෙර චීනය අනුගමනය කළ එක් දරු ප්රතිපත්තියත් බලපා තිබේ.
මේ අතර චීන සමාජ ක්රමය තුල පිරිම දරුවන්ට වැඩි කැමැත්තක් දැක්විම හේතුවෙන් පසුගිය කාලය තුලදී ගැහැණු දරුවකු පිළිසිඳගත් විට ගබ්සාවන්ට යොමුවීම චීනයේ විශාල වශයෙන් සිදුවිය.
ඒ අනුව මේවන විට චීනය තුල කාන්තාවන්ට සාපේකෂව පිරිමින් මිලියන ගණන් සිටින අතර එරට පිරිමින්ට විවාහ වීමට ප්රමාණවත් කාන්තාවන් නොමැති වීමට විවාහ අවම වීම සහ දරු උපත් අඩුවීමට හේතුවී තිබේ.
කෙසේ වෙතත් මෙම තත්ත්වය මඟහරවා ගැනීමට මීට වසර කිහිපයකදී එක් පවුලකට දරුවන්ට දෙදෙනෙකු සඳහා චීන රජය අවසර ලබාදුන් අතර එය පසුගිය වසරේදී මැයි මාසයේදී එම දරුවන් තිදෙනෙකු දක්වා ඉහළ දැමීමටද චීනය පියවරගෙන තිබිණි.
එහෙත් පවතින ආර්ථික සහ සමාජමය අභියෝග හමුවේ චීනය තරුණ පිරිස් දරුවන් බිහිකිරීමට දැඩි මැලිකමක් දක්වන අතර එය ඉදිරියේදී වර්ධනය වීමට වැඩි ඉඩක් පවතී.
