ලලිත් චාමින්ද –
කන්තලේ සිනි කර්මාන්තශාලාව ආරම්භ කිරීම සඳහා ඉකුත් වසර 12ක කාලය තුළ දි උක් පර්යේෂණ ආයතනය විසින් පුනරාවර්ථන හා ප්රාග්ධන වියදම් වශයෙන් රුපියල් මිලියන 139ක මුදලක් වැයකර තිබුනද කන්තලේ සිනි කර්මාන්තශාලාව මේ වනතෙක් ආරම්භ කිරීමට නොහැකිවිම නිසා දරන ලැබු වියදම නිෂ්කාර්ය වියදමක් බවට පත්ව ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
උක් පර්යේෂණ ආයතනය විසින් කන්තලේ සිනි කර්මාන්තශාලාව ආරම්භ කිරිමේ අරමුණින් ඊට අවශ්ය බිජ උක් සැපයිම, ප්රදේශයට සුදුසු උක් ප්රභේද තෝරාගැනිම ඇතුළුව පර්යේෂණ කටයුතු සදහා පහසුකම් සැපයිම අරමුණු කරගෙන 2011 වර්ෂයේ දි සිනි කර්මාන්ත ශාලව සතු ඉඩමෙන් අක්කර 400ක භුමි ප්රමාණයක් හා ගොඩනැගිලි 13ක් මිලදිගෙන තිබුණි.
මේ සදහා 27 දෙනෙකුගෙන් යුතු කාර්යමණ්ඩලයක් අනුයුක්ත කර තිබුණි.
2023 වර්ෂය දක්වා වසර 12ක කාලය තුල රුපියල් මිලියන 139 ක මුදලක් මේ සදහා වැයකර තිබු බවද විගණන වාර්තාවේ සඳහන් වේ. මෙකි වත්කම්වලින් නිසි ප්රයෝජනය ලබා ගැනිමට කටයුතු කළයුතු බවද විගණනය මගින් නිර්දේශ කොට ඇත.
රේඛය අමාත්යංශය සමග සාකච්ඡාකොට ලිඛිත උපදෙස් ලබාගෙන ඒ අනුව කටයුතු කරණ බවට උක් පර්යේෂණ ආයතනය විසින් විගණනයට සඳහන් කොට ඇත.
