එම්වී එක්ස්-ප්රෙස් පර්ල් ව්යසනය හේතුවෙන් මෙරට පරිසරයට සිදුවන බලපෑම තක්සේරු කිරීම සඳහා යුරෝපා සංගමය විසින් සපයනු ලබන එක්සත් ජාතීන්ගේ තෙල් කාන්දු සහ රසායනික පිළිබඳ විශේෂඥයින් කණ්ඩායමක් ශ්රී ලංකා රජය සමඟ කටයුතු කිරීම ආරම්භ කර තිබේ.
එක්සත් ජාතීන්ගේ කණ්ඩායම ප්රංශයේ සහ ඉතාලිය ඒකාබද්ධ කණ්ඩායමක් වන අතර ඔවුන් යුරෝපීය සංගමයේ මානුෂීය හස්තය (EU ECHO / ERCC) සහ එක්සත් ජාතීන්ගේ පරිසර වැඩසටහන (UNEP) / මානුෂීය කටයුතු සම්බන්ධීකරණ කාර්යාලය (OCHA) ඒකාබද්ධ පරිසර ඒකකය අතර සහයෝගීතාවයකි.
මෙහිදී එක්සත් ජාතීන්ගේ ස්වාධීන වාර්තාවක් සකස් කෙරෙනු ඇති අතර එමගින් කෙටිකාලීන ප්රතිචාර ක්රියාමාර්ග සහ දිගු කාලීන යථාතත්වයට පත්කරගැනීමේ සැලසුම් පිළිබඳ ඔවුන්ගේ ප්රධානතම සොයාගැනීම් හා නිර්දේශයන් ඇතුළත් කර රජයට ඉදිරිපත් කරනු ඇත.
මෙහි ප්රවීණයන් තිදෙනා වන්නේ, තෙල් කාන්දුවීමේ ප්රතිචාර සහ අවිනිශ්චිත සැලසුම්කරණය පිළිබඳ විශේෂඥයෙකු වන ප්රංශ ජාතික තෙල් ප්රතිචාර දැක්වීම් හා පර්යේෂණ මධ්යස්ථානයේ (සීඩීආර්ඊ) ආචාර්ය ස්ටෙෆාන් ලෙ ෆ්ලොච් ය. සමුද්රයීය කසළ පිළිබඳ විශේෂඥයකු වන ආචාර්ය කැමිල් ලා ක්රොයික්ස් ද සමුද්රීය පරිසරය තුළ තෙල් හා අන්තරායකාරී විෂ ද්රව්ය කාන්දු වීම පිළිබඳ පාරිසරික බලපෑම් තක්සේරු කිරීමේ විශේෂඥයෙකු වන ඉතාලියේ, ජාතික පාරිසරික ආරක්ෂණ හා පර්යේෂණ ආයතනයේ (ISPRA, පරිසර අමාත්යාංශයේ) ලුයිගි ඇල්කරෝ ද එම කණ්ඩායමට ඇතුළත් ය.
මෙම කණ්ඩායම මෙහෙයවනු ලබන්නේ ගෝලීය ආපදා සහ ගැටුම් පිළිබඳ යුනෙප්ස් ප්රතිරෝධක සහයෝගීතා ශාඛාවේ (පරිසර පද්ධති අංශය) හසන් පාර්ටෝව් විසිනි.
මෙම කණ්ඩායම ශ්රී ලංකා විශේෂඥයින්ට තෙල් කාන්දුවීමේ හදිසි සැලසුම්කරණය, පිරිසිදු කිරීමේ මෙහෙයුම් සහ පාරිසරික බලපෑම් තක්සේරු කිරීම, ජාත්යන්තර හොඳම භාවිතයන් සහ ඒ හා සමාන සිදුවීම් වලින් උගත හැකි පාඩම් පිළිබඳව තාක්ෂණික උපදේශන සහාය ද ලබා දෙයි.
සමුද්රීය පරිසර ආරක්ෂණ අධිකාරිය (මීපා), ජාතික ජලජ සම්පත් පර්යේෂණ හා සංවර්ධන ඒජන්සිය (නාරා), පරිසර අමාත්යාංශය, මධ්යම පරිසර අධිකාරිය (සීඊඒ), වනජීවී සංරක්ෂණ දෙපාර්තමේන්තුව (ඩීඩබ්සී) සහ ශ්රී ලාංකික සගයන් සමඟ ඔවුන් සමීපව කටයුතු කරනු ඇත.
