සහල් මිල සඳහා පැනවූ රුපියල් 230ක් වූ උපරිම සිල්ලර මිල වෙනස් නොකරන්නේ නම් වී කිලෝවක් සදහා ලබා දිය හැකි ප්රායෝගික මිල රුපියල් 115ක් පමණක් බව පේරාදෙණිය විශ්වවිද්යාලයේ කෘෂිකර්ම පීඨයේ මහාචාර්ය බුද්ධි මාරඹේ පවසයි.
ඔහු පෙන්වා දෙන්නේ මේ මිල සැකසෙන්නේ නිශ්පාදන වියදම ලෙස රුපියල් 86කට ආසන්න මිලක් ගණනය කර සියයට තිහක් ලාභය එක් කිරිමෙන් වි කිලෝවක මිල රුපියල් 115කට ඉදිරිපත් කළ හැකි බවය.
නිවුස් ෆස්ට් සමග සම්මුඛ සාකච්ඡාවකට එක්වෙමින් මහාචාර්ය බුද්ධි මාරඹේ මෙසේ පැවසුවේය.
රුපියල් 230 කියන හාල් මිලේ උපරිම සිල්ලර මිල වෙනස් කරන්නේ නැතිනම් වී මිල වෙන්නේ රුපියල් 115යි. 115ට වී මිල නියම කරනවා නම් අපි කිව්වනේ සියයට 30ක් එකතු කරනවා කියලා නිශ්පාදන පිරිවැයට. ඒක ආපස්සට ගණනය කිරීමක් කළොත් වීවල නිශ්පාදන වියදම රුපියල් 88ක් වගේ ගණනක තියලා තමයි උපකල්පනය කරන්න සිද්ධ වෙන්නේ.
වී සඳහා වූ නිශ්පාදන වියදම ප්රදේශයෙන් ප්රදේශයට වෙනස්වන බවත් උදහාරණයක් ලෙස අඩුම යෙදවුම් ප්රමාණයක සහිතව වගා කරන අම්පාර ප්රදේශයේ වී ගොවිතැන සදහා නිශ්පාදන වියදම අනෙක් ප්රදේශවලට වඩා අඩු බවත් මහාචාර්ය බුද්ධි මාරඹේ පෙන්වා දෙන්නේය.
