ශ්රියානි විජේසිංහ –
දුර ගමන් බස් රථ නතර කරන ආපන ශාලා ඇතුලු ආපනශාලාවලින් ආහාර ගැනීමේදී වඩාත් සැලකිලිමත් වන්නැයි රජයේ වෛද්ය නිලධාරින්ගේ සංගමය ජනතාවගෙන් විශේෂ ඉල්ලීමක් කරයි.
උණසන්නිපාත රෝගීන් කීප දෙනෙකු සෞඛ්ය වෛද්ය නිලධාරී කාර්යාල කීපයකින් වාර්තා වන බවත් එය වසංගතයක් දක්වා වර්ධනය වී නොමැති බැවින් අනියත් බියක් ඇති කර නොගන්නා ලෙසත් පවසන රජයේ වෛද්ය නිලධාරීන්ගේ සංගමය පිටතින් ගන්නා ආහාරපාන පිලිබඳව දැඩි විමසිල්ලක් දක්වන්නැයිද අවධාරණය කරයි.
රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ පෙන්වා දෙන්නේ උණසන්නිපාතය , අතීසාරය , පාචනය වැනි රෝගයන් වැළදෙන්නේ අපිරිිසිදු ආහාර පාන සහ ජලය මගින් බැවින් ගම්බිම් බලා යන පිරිස් අතමරගදී ආහාර අලෙවිසැල්වලින් ලබා ගන්නා ආහාර පාන පිලිබඳව දෙවකර සිතා බැලිය යුතු බවය.
දුරගමන් බස්රථ නතර කරන ස්ථානයන් හී පවත්වාගෙන යන ආපනශාලාවන් හී භාවිත කරන ජලය, අපද්රව්ය බැහැර කිරීම , අපජලය ඉවත් කිරිම, ආහාර බදින ලද තෙල් නැවත ඉවත් කිරිම ආදී කරුණු කෙරෙහි බරපතල ප්රශ්නයන් අද වන විට ඇති වී තිබෙන බව වෛද්ය චමිල් පෙන්වාදේ.
අවුරුදු සමය තුළ හදිසි අනතුරු විශාල වශයෙන් සිදුවන බැවින් තම තමන්ගේ ආරක්ෂාව පිලිබඳව දැඩි අවදානයක් යොමුකරමින් කටයුතු කරන්නැයි ද සංගමය ජනතාවගෙන් විශේෂයෙන්ම ඉල්ලා සිටියි.
