එක්සත් ජනපද ජනාධිපති ජෝ බයිඩන් විසින්, හිටපු මාස්ටර්කාර්ඩ් ප්රධාන විධායක නිළධාරී අජේ බංගා ලෝක බැංකුවේ නායකත්වය සඳහා පසුගිය බ්රහස්පතින්දා නම් කරන ලදී.
ජෝ බයිඩන් නිවේදනයක් නිකුත් කරමින් පවසන ලද්දේ, “ඉතිහාසයේ මෙම තීරණාත්මක මොහොතේ ලෝක බැංකුව මෙහෙයවීමට අජේ අද්විතීය ලෙස සන්නද්ධව සිටී. ඔහු දශක තුනකට වැඩි කාලයක් රැකියා උත්පාදනය කරන සහ සංවර්ධනය වෙමින් පවතින ආර්ථිකයන් වෙත ආයෝජන ගෙන එන සාර්ථක ගෝලීය සමාගම් ගොඩනඟා කළමනාකරණය කර ඇත. මූලික වෙනස්කම් සිදු වූ කාල පරිච්ඡේදවලදී සංවිධානවලට මග පෙන්වයි. එලෙසම, මිනිසුන් සහ පද්ධති කළමනාකරණය කිරීම සහ ප්රතිඵල ලබා දීම සඳහා ලොව පුරා සිටින ගෝලීය නායකයින් සමඟ හවුල් වී වැඩ කිරීම පිළිබඳ ඔප්පු කළ වාර්තාවක් ඔහුට ඇත.
ලෝක බැංකුවේ හිටපු සභාපති ‘ඩේවිඩ් මැල්පාස්’ මීට වසරකට පමණ පෙර සිය ධූරයෙන් ඉවත් වන බව ප්රකාශ කිරීමෙන් පසුව මෙම තීරණය ගෙන ඇත. මැල්පාස් සිය ඉල්ලා අස්වීම ලබා දෙන්නේ, පොසිල ඉන්ධන පෘථිවිය උණුසුම් කරන බවට, විද්යාත්මක එකඟතාව පිළිගැනීම ප්රතික්ෂේප කිරීමෙන් පසුව ඔහුට ඉවත් වන ලෙස ඉල්ලීම් වැඩි වූ පසුවය.
බංගා දැනට ජෙනරල් අත්ලාන්තික් හි උප සභාපති ලෙස කටයුතු කරයි. මීට පෙර, ඔහු මාස්ටර්කාඩ් හි සභාපති සහ ප්රධාන විධායක නිලධාරියා වූ අතර, උපායමාර්ගික, තාක්ෂණික සහ සංස්කෘතික පරිවර්තනයක් හරහා සමාගම මෙහෙයවූ බව ‘Devdiscourse’ වාර්තා කරයි.
