ඉන්දියාව සහ චීනය අතර දේශසීමාවේ තත්ත්වය මේවන විට යම් සාමකාමී වුවත් ඉදිරිය අනපේක්ෂිත බව ඉන්දීය හමුදා ප්රධානී ජෙනරාල් මනෝජ් පාණ්ඩේ පැවසීය.
ඒ අනුව ඕනෑම තත්ත්වයකට මුහුණ දීමට ඉන්දීය හමුදා සූදානමින් සිටින බවත් ඊට අවශ්ය ප්රමාණාවත් හමුදා සාමාජිකයින් දේශසීමා වෙත යොදවා ඇති බවද හෙතෙම පැවසීය. මේවන විට චීන හමුදාවන්ගේ සංඛ්යාව සූළු වහෙයන් වැඩීමක් පෙන්නුම් කළද තත්ත්වය පාලනය කිරීමට හැකියාව බවද හමුදා ප්රධානීයා ප්රකාශ කළේය.
″අපි අපේ හමුදාවන් චීන හමුදාවන්ගෙන් එල්ලවිය හැකි ඕනෑම තත්ත්වයකට මුහුණ දීමට සූදානමිනුයි සිටින්නේ. අපේ හමුදා සමාජිකයින් දැඩි අධිෂ්ඨානශීලිවයි තමන රාජකාරි කරන්නේ ඒ නිසා ඔවුන්ට ඕනෑම අභියෝගයට නිර්භීතව මුහුණ දීමට හැකියාව පවතිනවා.″ යනුවෙන්ද ජෙනරාල් පාණ්ඩේ පැවසීය.
“මේවන විට තත්වය ස්ථාවර සහ අපේ පාලනය යටතේ පවතින නමුත් අනාවැකි කීමට හැකියාවක් නැහැ. දැනට පවතින සාකච්ඡා වලදී ප්රධාන ගැටලු හතෙන් පහක් විසඳා ගැනීමට අපට හැකි වී තිබෙන අතර අපි රාජ්යතාන්ත්රික මෙන්ම යුධමය යන දෙඅංශයේම සාකච්ඡා කරමින් සිටිනවා” යනුවෙන්ද ඔහු පැවසීය.
.
ඉන්දියාව සහ චීනය අතර දේශසීමා සම්බන්ධයෙන් පසුගිය කාලයේදී යම් මතභේදාත්මක තත්ත්වය ඇති වූ අතර එහිදී ඉන්දීය ආරක්ෂක අංශ සමාජිකයින් සහ චීණ ආරක්ෂක අංශ අතර සුළු ගැටුමක්ද ඇතිවිය.
කෙසේවෙතත් පසුගිය කාලය පුරාවටම චීනය විසින් ඉන්දු චීන දේශසීමාවන් හී සිය ක්රියාකාරකම් වර්ධනය කර තිබූ අතර එමගින් ඉන්දියාවට දැඩි බලපෑමක්ද එල්ල කිරීමට උත්සහ කළේය.
